Todos os podcast | A penaltis

Con Dolores Vilavedra falamos do libro 'O incendio', de Sara Vila Alonso, gañador do último Premio Blanco Amor de novela.

Comezan as actividades da celebración do Día Internacional dos Museos que o vindeiro 18 de maio subliña a dimensión educativa e investigadora destes espazos. Falamos con Esperanza Gigirey, presidenta do Consello Galego de Museos.

Afonso Becerra fai balance do décimo festival Escenas do Cambio, que tivo lugar a pasada fin de semana na Cidade da Cultura.

Con Emilio Españadero conversamos sobre o premio honorífico Martín Códax da Música para Emilio Cao, o novo de Fuxan os Ventos, o “Cantar Galego ao Zeca” de Uxía e o concerto de aniversario de Milladoiro.

Dende hoxe, 24 cines acollen o filme 'As neves', o debut na dirección da viguesa Sonia Méndez, que tamén escribiu o guión.

'As neves' de Sonia Méndez e 'O reino do planeta dos simios' ocuparán a carteleira que nos trae hoxe Moncho Lemos.

Pauliña volve cun disco rockeiro que bascula ao ska, reivindicativo e festivo ao mesmo tempo. Titúlase 'Galego is not dead' e está composto por oito cancións.

A arte múltiple, dende a estampa tradicional ao obxecto escultórico e a súa instalación no espazo, centra o VIII Foro Internacional de Creación na Fronteira en Pontevedra.

Con Luz Castro coñecemos máis da Xornada Power Up arredor de Videoxogos Aplicados e Persuasivos, que organiza o Campus Industrial de Ferrol en colaboración coa coordinación do máster en Deseño, Desenvolvemento e Comercialización de Videoxogos e co Concello de Ferrol.

Visitamos a exposición "Héctor Francesch. Colección de favoritas" na Fundación Abanca en Vigo. O universo deste artista abarca dende o debuxo á pintura, pasando polas instalacións. Converte en arte obxectos que todos temos a mán, apostando por unha pintura colorista que nos remite ao pop art e ao cómic.