Todos os podcast | A penaltis

Con Dolores Vilavedra afondamos nunha lectura de Manuel Veiga Taboada: 'A literatura galega contada aos escépticos'. Fai un percorrido que abarca dende Vicente Risco á literatura última.

O Auditorio de Milladoiro acolle os Recoñecementos Escena Galega das Artes Escénicas que entrega a Asociación Galega de Artes Escénicas. Con eles recoñécese a profesionais, entidades, instalacións, publicacións e persoal técnico vencellado ás artes escénicas de Galicia. Entre os premiados están Títeres Cachirulo, a Revista Erregueté, Madó Santos, Ana Díaz Calvo, A Casa Vella de Amiadoso e Fátima Rodríguez.

“O humor é un mecanismo para infiltrarse nunha sociedade cercada polo machismo”. A Universidade de Santiago acolle o I Congreso Internacional Feminismos e Humor. Falamos con Saleta de Salvador Agra e Yolanda Martínez Suárez.

Viaxamos á Coruña, concretamente ao Kiosco Alfonso. Alí pódese visitar ata o 21 de xullo a exposición "Peteiro", unha ampla mostra da obra do pintor coruñés Jorge Peteiro que agrupa 94 pezas que permiten obter unha ampla panorámica do artista. Pedro Vasco é un dos comisarios da exposición.

O XX Festival Internacional de Cinema de Tui recupera a memoria do cinema galego na sección Sombras, que se abre co traballo de Tony Román.

Falamos con Pepe Coira.

Afonso Becerra vén falarnos da décima edición do Escenas do Cambio, un festival de teatro, danza e arte en acción que se celebra durante toda a fin de semana na Cidade da Cultura.

O Festival Pórtico do Paraíso naceu hai xa 17 anos para encher un baleiro na vida musical de Ourense. Nesta nova edición contan con grandes artistas do panorama nacional e internacional da música clásica cun novo escenario: o castelo de Castro Caldelas. Juan Enrique Miguéns é o presidente da Asociación Pórtico Musical e director artístico do encontro.

Preséntase na Coruña Bulevar Papagaio. O novo proxecto escénico de A Feroz é unha creación da compañía a partir do libro Papagaio de Maribel Longueira e Luísa Villalta. Falamos con Lorena Conde e Bea Romero

Moncho Lemos tráenos dúas estreas: o 'Garfield' de Mark Dindal e 'La casa', dirixida por Álex Montoya.

Marchamos a Tui, onde o festival Play-Doc celebra dúas décadas buscando novas estéticas e apostando pola experimentación audiovisual. A sección oficial inclué este ano 7 películas do cine máis recente, entre eles a fita póstuma de Jean Luc Godard, "Guerras de broma".