Todos os podcast | A penaltis

La Parra proxéctase na sección oficial do Festival de Cinema de Bos Aires e en maio no de JeonJu, a estrea no mercado asiático. Falamos co seu director, o ferrolán Alberto Gracia

Moncho Lemos tráenos dúas estreas: 'O especialista', con Ryan Gosling como protagonista; e 'Rivais', un trío de deportistas no que manda Zendaya.

João Afonso - sobriño de Zeca Afonso - e Uxía Senlle promoven unha xira de concertos en conmemoración do 50 aniversario da Revolución dos Caraveis. Fan parada tamén en Galicia. En Santiago arredor de 1000 persoas están apuntadas para cantar o Grândola nas inmediacións do Burgo das Nacións.

Corenta e cinco bandas e artistas pasan á recta final dos XI Pemios Martin Códax da Música. Comeza o período de votacións para decidir os galardóns que se entregarán na Gala do 15 de maio en Pontevedra

Con Luz Castro poñemos en primeiro plano os videoxogos, desta vez afondando naqueles que están inspirados en clásicos como Alicia no Pais das Marabillas, A Volta Ao Mundo ou Tintín.

Morreu a música punk? Hai futuro? Son preguntas que responde Julen, vocalista do grupo The Eskarallas. Cunha forte pegada do punk da vella escola de Eskorbuto, Cicatriz ou La Polla Records, esta banda vén de presentar o seu primeiro disco, que xa están xirando, e no que non falta a retranca, a irreverencia e a crítica social.

Dolores Vilavedra tráenos un clásico de Marilar Aleixandre: 'Lobos nas illas'. Esta obra foi publicada por Xerais en 1996 e foi reeditada e traducida ao castelán por Galaxia en 2022.

O Museo de Pontevedra acolle a mostra "Berta Cáccamo. Correspondencias dun arquivo", que busca manter viva a súa memoria e difundir a obra da pintora abstracta.

Falamos co seu irmán e co comisario da mostra.

Soco Vara de Rey explícanos as claves da súa exposición no Palacete das Mendoza de Pontevedra: "Color y vida".

“Agora” é o título do primeiro disco dunha nova formación chegada dende Teis: Sun Iou. O grupo mestura rock, música tradicional, punk e pop nun disco autoproducido e no que a amizade e o amor á música son o motor fundamental do proxecto.