Todos os podcast | A penaltis

Comezan as Residencias Artísticas de Literatura e Pensamento e Música que organiza a Deputación da Coruña en Mariñán. Falamos de comisariados e proxectos con Roberto Abuín, Aitana Cuétara, Su Garrido Pombo e Carmen Marina Vidal Valiña.

Este martes desenvólvese en Santiago a terceira xornada do  Encontro de Mulleres Artistas, na Casa das Crechas. Entre as paricipantes estarán Alba Domínguez, Helena Egea, Isa Beltrán, Oliva Ben Prantada,Lúa Pagán, Sony Soprano, Taty Zisca,Tinta Ceive e Noela Babuxa.

Falamos do vindeiro concerto de Xosé Manuel Budiño no Teatro Principal de Ourense presentando o seu oitavo álbum: 'Branca vela'. Imos tamén ata Pontevedra, onde a finais de mes vai ter lugar a Aña Urbana na Praza do Concello, con grupos da Asociación Cultural Trépia e Comando Curuxás, entre outros. Ademais, escoitamos un anaco do último de Noites de Rock e Meigas: "Cando o Ebro Sona".

Falamos con Felisa Segade e Xaneco Tubío do obradoiro intensivo de percusión tradicional de man desta fin de semana en Lugo, organizado por Tradescola

Max García Conover é un músico estadounidense con raíces pontevedresas que visita por primeira vez Galicia. Conversamos con el no pazo da Viña, na localidade silledense da Bandeira.

Alí está a gravar o seu próximo disco co selo barcelonés Son Canciones, impulsado pola galega Mabel Alonso e o belga Lieven Scheerlinck.

Con Afonso Becerra abordamos as dificultades dos artistas emerxentes para facerse un oco en modalidades marxinadas como a danza contemporánea. Facémolo a través da obra 'Nova Dança', coproducida e estreada polo Teatro Diogo Bernardes.

A Asociación Labra organiza en Compostela o Encontro que reúne aos profesionais da luthería galega. Falamos con Ana Fariña e Pablo Sánchez

As rúas, o auditorio, o Teatro Principal, o campus, e diversos locais de Ourense reciben á MITEU con música, danza, circo, maxia, cine e teatro.

Lembramos a figura do director Jaime de Armiñán, falecido esta semana. Por outra banda, afondamos na última película de Benito Zambrano: 'O Salto'.

O Legado Berta Cáccamo doa ao Museo de Pontevedra o arquivo documental da artista. Cadernos, diarios, obxectos, correspondencia que se presentan na exposición que se inaugura no edificio Castelao. Falamos con Juan de Nieves e Xosé M Alvarez Cáccamo