Todos os podcast | A penaltis

Un encontro deseñado para que a cultura, a comunicación e a empresa dialoguen nas voces de profesionais da cultura, a comunicación, a empresa e o compromiso. Referentes da cultura como Nerea Barros, Teo Cardalda, Sabela Maneiro, Mercedes Peón, Tonhito de Poi ou Sabela Ramil comparten as súas experiencias con comunicadores como Déborah Ciencia, Esther Estévez ou Tamara García

Luz Castro explícanos en que consisten as novelas visuais, un xénero de videoxogos de aventura conversacional. "Ti Primeiro" foi a primeira novela visual en galego, creada por Roberto Alvite e producida e publicada por Melgo Cinema.

“Tod@s abandonamos persoas e principios no camiño marcado para o éxito, para chegar”. O CDG estrea a obra central do seu 40 aniversario, Os actos e as profecías. Falamos con directora, Tamara Canosa e cunha das intérpretes, Mónica Camaño.

“Queremos poñer en valor grandes títulos que non están no canon cinematográfico”. Victor Paz fala do ciclo Cinema, rexistro vivo da nosa memoria

Con Emilio Españadero repasamos o cartel do VII Festival Son Cervexeiro de Ortigueira, con nomes destacados como os Ailá ou Os Carecos.

Afonso Becerra tráenos un chisco de solidariedade co 'NOSO' d'Os Náufragos Teatro. Con texto e dirección de Gustavo del Río, trátase dunha obra que conxuga o posesivo do pobo, da comunidade e do territorio.

Xose Antonio Touriñán continua xira por Galicia co seu monólogo 'Aquí tou!', no que realiza un percorrido polos momentos clave da súa vida, nunha mestura de realidade e ficción en clave cómica. Con el conversamos sobre o espectáculo, a súa traxectoria... e dános unha primicia sobre 'Somos criminais'!

O escultor presenta dous conxuntos grupais integrados por 38 elementos que suxiren a densidade como idea vertebral da mostra.

En colaboración coa Cinemateca Portuguesa, entre o 24 de abril e o 3 de mayo proxéctanse unha serie de documentais filmados nos días da revolución portuguesa. Tamén se proxectan ficcións que retratan á xente nas rúas e as manifestacións, así como o proceso de reforma agraria.Falamos con Jaime Pena, responsable de programación.

“Os custos que supón o coidado están recaendo nas mulleres. Hai que ir a un coidado social”. Cristina García Sainz fala de “Os tempos sociais do traballo cunha perspectiva de xénero” na Semana Galega de Filosofía en Pontevedra.