Todos os podcast | A penaltis

Anton Bruckner centra os concertos desta semana da Orquestra Sinfónica de Galicia. Afondamos na vida do compositor austriaco con Luís Miguel Crespo.

María Villamarín e Óscar Senra fálannos do ciclo "A aldea desmedida", organizado Numax en Santiago e comisariado por Maos Innovación Social. O que pretende é precisamente botar unha pensada a esta cidade dende distintos puntos de vista e entender o lugar que habitamos.

“Hai que repensar unha relación co pasado”. A filósofa Fina Birulés fala de Hanna Arendt na Semana Galega de Filosofía en Pontevedra e na Universidade de Santiago.

A nosa experta Dolores Vilavedra fainos unha pequeña reseña de 'Ubasute', unha obra de Paula Carballeira editada por Galaxia.

Nun mes moi especial para os nosos veciños portugueses Emilio Españadero tráenos as melodías e as voces de varios artistas do país luso: Espiral e "Pantagruel", Ana Moura e "Janela Escancarada", Luís Peixoto e "Please Take Care" e María Ana Bobone e "Barco negro".

Co gallo do “Día das Artes Galegas 2024” deu comezo na Coruña un ciclo composto por catro conferencias dedicado ao escultor Francisco Asorey, un dos renovadores da arte galega, cunha obra espallada por toda Galicia.

A serie protagonizada por Nabiza girl "Así falamos, así sentimos", busca reforzar a identidade galega entre a mocidade. Pode verse en redes sociais coma Instagram e TikTok,.

A mostra “A inquietude creativa” percorre 50 anos do traballo do pintor lugués Joaquín García-Gesto. Unha exposición antolóxica que se pode ver na sede de AFundación en Lugo.

Moncho Lemos escolma as estreas cinematográficas máis interesantes da Semana Santa. 'Puan', de María Alché e Benjamín Naishtat, unha comedia dramática arxentina premiada no festival de Donostia e mais 'La Bête', un filme de ciencia ficción de Bertrand Bonello a partir dun relato de Henry James.

Visitamos a Casa Museo de María Antonia Dans en Curtis

A primeira Casa Museo dunha pintora galega acolle obras súas e unha exposición temporal do grupo Galeoska.