Todos os podcast | A penaltis

Moncho Lemos tráenos as estreas da semana: 'Cazafantasmas: Imperio Helado', de Gil Kenan, e 'La familia Benetón', de Joaquín Mazón.

Dj Mil vén de sacar “Osos & pandeiretas”, un EP formado por seis temas nos que as músicas que conforman as súas influencias empapan cada "beat". A través dunha sesión en directo, e posterior conversa, vainos amosar as claves da súa música.

A XIX Mostra Internacional de Cinema Etnográfico explora o cinema da Transición e dedica foco á decana do documental italiano Cecilia Mangini. Conversamos con Ana Estévez Lavandeira, directora da Mostra.

Conversamos coa actriz na véspera dos María Casares

Luís Miguel Crespo tráenos 'Dous continentes', unha peza da Real Filharmonía de Galicia con Jessica Cottis como directora e Alejandro Oliván ao saxofón.

No Día da Narración Oral recibimos o chamamento dos contadores de historias que nos lembran que fabular é un impulso que sentimos os seres humanos desde que vivimos en comunidade. Diso nos fala Soledad Felloza, presidenta do colectivo Narración Oral Galega

"Uso a fotografía como ferramenta plástica, para mirar a paisaxe dun xeito diferente". Juan Adrio e a súa exposición 'Senda de bosques', na colaboración de Mónica Maneiro

Dolores Vilavedra tráenos a última obra de Xabier López López: 'Contrabiografía'. Trátase dunha autobiografía inversa na que se navega polas orixes da memoria familiar.

The Rapants é xa todo un fenómeno no panorama musical galego. Logo dun 2023 no que percorreron as salas e os festivais de case todo o noroeste peninsular, este grupo de catro rapaces parece seguir crecendo no presente ano. As Sala Capitol colgou o "sold out" para as noites do 23 e 24 de marzo, nas que se presenta o novo traballo da banda: "La máquina del buen rollo". Conversamos do seu éxito con Xanma e Samu.

O arqueólogo Mario César Vila fálanos das fábricas de curtumes, establecementos industriais que tiveron moita importancia en Galicia ata mediados do século XX