Todos os podcast | A penaltis

Con Luz Castro falamos dos últimos traballos de dous estudos galegos. O incipiente Under Castle está a piques de sacar 'Xelatina ten fame' e o xa consolidado Madruga Works lanzou o pasado ano 'The Mobius Machine'.

Nun 27 de marzo de 1984, coincidindo coa celebración do Día Mundial do Teatro, anunciábase a posta en marcha por parte da Xunta de Galicia dunha compañía teatro que tería por obxectivo contribuír á normalización e regularización da actividade teatral galega. Eduardo Alonso, Fran Nuñez, Xulio Lago e Tamara Canosa falan da historia e do presente do CDG.

A microserie Nosoutras visibiliza artistas galegas para a xeración Z. O espazo, que pode verse na plataforma dixital Agalega.gal, repasa as súas vidas nun formato desenfadado para conectar coa mocidade.

Con Emilio Españadero falamos da banda sonora orixinal do documental 'Un guerrillero llamado Santiso' a cargo de Jorge Prada: "O camín do Carral". Tamén escoitamos "La Palmira" do grupo Carrión de Palencia e os "Ruliños" d'A Roda.

'O Corno' con 7, 'Matria' con 5 con e 'Rapa' con 3 foron as gañadoras dos premios Mestre Mateo nunha das galas máis celebradas da historia dos galardóns que convoca a Academia Galega do Audiovisual. Conversamos coa directora de 'O Corno', Jaione Camborda, a actriz María Vázquez, protagonista de 'Matria' e Alfonso Blanco, director de Portocabo, productora de 'Rapa'.

Rapa, primeira longametraxe documental de Alejandro Enríquez explora a crise do cabalo galego do monte

Astérix en galego e poesía no vento

Eva Mejuto conmemora o Día da Poesía e o Día da Banda Deseñada nas súas propostas lectoras desta semana. Falamos das traducións ao galego de 

Astérix e mais do poemario 'Os ecos do vento' de Antonio García Teijeiro.

A gordofobia a escena

'O único que verdadeiramente quixen toda a vida é ser delgada' é o monólogo que a dramaturga Esther Carrodeguas lle dedica á nosa difícil relación

co propio corpo.

Os Premios María Casares de Teatro que outorga a Asociación de Actores e Actrices de Galicia entregáronse onte no Rosalía da Coruña. Nunha festa chea de música e de mar, a gran triunfadora foi 'Unha inimiga do pobo', de Talía Teatro. Falamos co seu director, Tito Asorey, e coa actriz protagonista premiada: Marta Lado. Ademais, conversamos tamén con Artur Trillo e Quico Cadaval, mellor dirección xunto con Tito, por 'O auto do Castromil'. Todo coa colaboración do noso experto Afonso Becerra.

Escoitamos con Tito Lesende o novo disco de Pauliña, 'GALEGO IS NOT DEAD', novas cancións de Baiuca e mariagrep e Fillas de Cassandra, que serán protagonistas na noite dos Mestre Mateo

e presumen de catro candidaturas aos premios MIN da música independente