Todos os podcast | A penaltis

Unha historia arredor da discriminación e o acoso escolar. Niso consiste a obra que Redrum Teatro estrea hoxe no Fiot de Carballo. Chámase 'O pequeno poni' e está dirixida por Álex Sampayo. Charlamos arredor das súas claves cos seus protagonistas, Laura Míguez e Guille Carbajo.

Afonso Becerra preséntanos 'A tempestade', unha das últimas pezas de William Shakespeare, dirixida por António Pires con música de Jean Sibelus. Participan Theatro Circo e Teatro do Bairro.

A nosa experta en literatura xuvenil e infantil céntrase hoxe na tradición oral. Tráenos o conto 'A botella de lentellas' (Premio Merlín de Literatura Infantil), de Leticia Barbadillo; e o canto 'Pequena fauna do Cantigueiro de Cotobade', de David Carballal.

O punto musical vén con Tito Lesende, que nos amosa o último de varias bandas: Loiros, Allah-Las, Occie Elliot e Os ilegales.

Nesta primeira Residencia FICBUEU, que terá lugar do 9 ao 15 de outubro en Ons, son catro os proxectos seleccionados de entre os 122 que se recibiron dende todo o territorio español, un tercio deles dende Galicia. A titora será Isabel Peña (Zaragoza, 1983), guionista de películas coma As bestas ou El reino –coas que gañou sendos Goyas–, Stockholm, ou Que Dios nos perdone y de series coma Antidisturbios. Charlamos un ratiño con ela.

O galadornado filme de Jaione Camborda 'O Corno' chega ós cines este mércores 11 de outubro. Que mellor momento para que parte do seu equipo nos fale das claves do seu éxito. Melania Freire é a directora de arte, Uxía Vaello forma parte do equipo de vestiario e Julia Gómez e María Lado constitúen algunha das pezas do reparto da película.

Sempre hai un oco para ler. Dolores Vilavedra preséntanos a antoloxía de relatos LGBTIQA+ 'Alguén nos lembrará', coordinada por Nee Barros para Xerais.

Está morrendo o amor? Ibuprofeno Teatro responde a pregunta con humor e música e a participación do público en 'Deadpan Karaoke', un espectáculo unipersoal interpretado por Marián Bañobre e dirixido por Patricia Rodríguez.

Con Mónica Maneiro afondamos no Porto Design Biennale. Convidamos ademais a David Barro, comisario da participación galega no Bienal.

Abrése o telón para que Afonso Becerra nos fale de 'Roméo et Juliette', adaptación da obra de William Shakespeare no marco da 71ª Temporada Lírica de Amigos da Ópera da Coruña.