Todos os podcast | A penaltis

Pablo Sánchez Quinteiro trae hoxe no repertorio o Festival de Música Cidade de Lugo, a programación da Sociedade Filharmónica Ferrolá e o peche de temporada da Real Filharmonía de Galicia.

Con obras de Barbara Strozzi, Shostakovich e Beethoven.

“Queremos manter a escala humana por riba de todo”."En Cans vaise vendo ano a ano a construción dos cineastas"

Alfonso Pato, director do festival de Cans, debulla connosco a programación da súa 22ª edición, que principia mañá.

Carlos Crespo tráenos o primeiro disco profesional do viveirense Xosé Maseda Calvo (XMaseda65): ‘ Pontes’

“Queriamos que o público sinta que está aí”

‘Fillos do vento: A rapa’, de Brais Revaldería, sitúa o espectador dentro da rapa das bestas de Sabucedo, grazas a unha proxección 270°. Estes días exhíbese no Festival de Cannes na sección “Competición Inmersiva”.

Eva Mejuto compila algúns dos últimos libros infantís sobre as cantareiras. Dinguirindiña. A viaxe de Saleta a pandeireta con texto do grupo Caldo e ilustracións de Ro Ledesma; Tacón, punta, tacón, de Anxo Iglesias e ilustrado por Laura Romero; A avoa canta como a cotovía, de Celia Díaz e Alba Santa e Eu non canto por cantar, de Antón Santamarina e Manuel Rico.

Isabel Freire conversa con Rodrigo Romaní sobre Eva Castiñeira, unha das homenaxeadas nas Letras Galegas de 2025. Nada en 1925 no lugar de Agranzón, en Muxía, emigrou á Coruña, onde a coñeceu Rodrigo Romaní, integrante de Milladoiro. En 1981 o grupo convidounas a ela e á súa irmá Engracia a participaren nun concerto no pavillón de deportes. Convertéronse nas primeiras pandeireteiras en subir a un escenario cun grupo folk.

Afonso Becerra comenta ‘Roland mon amour’, un monodrama de desexo e música que mestura a escrita, o baile e a plástica. De Cris Balboa

Imos ata Cannes con Natalia Penas para sabermos da estrea de ‘Sirat’, de Oliver Laxe, recibida con entusiasmo na súa proxección onte á noite.

Eva Sandino pescuda na conexión entre o noso repertorio oral popular e as músicas máis actuais: das cantareiras a Mondra ou Tanxugueiras.

A playlist de Tito Lesende: ‘ A ghatiña mansa’, unha colaboración de Tanxugueiras e Caamaño& Ameixeiras, ‘O bruar das cantareiras’, de Xosé Lois Romero & Aliboria e ‘O meu ser’ de Xan Pais