Todos os podcast | A penaltis

Carlos Crespo tráenos a Sofía Espiñeira, que acaba de sacar o seu segundo álbum ‘Xeografías’

Conversamos co flamante presidente da RAG, Henrique Monteagudo: “Teño que ser optimista e pensar que haberá acordo para un novo decreto do galego”. “Chegar á xente nova é un dos retos máis difíciles”. “Imos sacar unha gramática do século XXI no ano vindeiro”

'Migrantes' e 'Gatlock', no Faro dos libros de Eva Mejuto

Migrantes é un álbum ilustrado do chileno Marcelo Simonetti e a ilustradora Maria Girón, publicado por Kalandraka e premiado esta semana pola asociación de librarías italianas ALIR.

'As croquetas envelenadas' é un dos volumes das peripecias do gato detective Gatlock, creado por Sébastien Perez e traducido ao galego por Isabel Soto.

A 'nebra pecha' de Uxío Novoneyra titula o primeiro disco de Diego Flâneur, músico lugués de 24 anos. O álbum, de ambientes densos e letras introspectivas, retrata un Lugo invernal e certa desesperanza vital, e conta con colaboracións doutros artistas da nova escena hip hop da cidade.

Afonso Becerra debulla a gala dos María Casares, que este acadou a súa 29 edición

Falamos con Xabier Castiñeira, Esther Carrodeguas e Anxo Outumuro da gala dos María Casares, desenvolvida a noite pasada na Coruña.

‘Iribarne’, de ButacaZero fíxose con nove dos doce galardóns aos que aspiraba: Espectáculo, dirección (Xavier Castiñeira), dirección de movemento (Sabela Domínguez), texto orixinal (Esther F. Carrodeguas), actor protagonista (Anxo Outumuro), actriz protagonista (Lida Veiga), espazo sonoro (Berto), vestiario (Diego Valeiras) e espazo escénico (Diego Valeiras e Xavier Castiñeiras). Este último premio compartido con ‘O dragón de ouro’de Sarabela, que levou ademais os de adaptación-tradución (Catuxa Pato), actriz secundaria (Sabela Gago), Iluminación (Laura Iturralde) e espazo escénico (Iris Branco).

Na categoría de monicreques Os contos do Lobicán, de Redrum Teatro, e coma mellor espectáculo infantil ‘Monstros’, de Producións Teatráis Excéntricas.

Tito Lesende repasa a obra de Lenny Kravitz, que actuará o vindeiro día 10 no Coliseum da Coruña.

O Kiosco Afonso acolle ata o 27 de abril a mostra ‘A cidade das artes’, coa que se conmemora o 175º aniversario da Real Academia Galega de Belas Artes. Confórmana máis de 150 pezas, entre materiais artísticos e históricos, documentos e obras de membros da Real Academia e estudosos das artes do noso país Vituco Neira conversou co académico Fernando Agrasar, comisario da exposición.

Moncho Lemos comenta dúas estreas para a fin de semana:

*’Sorda’, de Eva Libertad. Drama intimista arredor da xordeira

*’La huella del mal’, de Manuel Ríos Sanmartín. Baseada na súa novela homónima, é un policial que transcorre en Atapuerca

“Mover os pés é mover a conciencia”

 Botando Leña. Lamatumbá

Conversamos con Toño Iglesias e Sergio Zearreta, de Lamatumbá, que estrea nova imaxe, novos temas e nova identidade gráfica, deseñada pola artista Noa Fernández.

A formación ourensá abre unha nova etapa coa intención de seguir sendo referencia no panorama musical do noso país.

Arrancan xira mañá venres na sala Rebullón, en Mos.