Todos os podcast | A penaltis

O Faro das lecturas de Eva Mejuto alumea hoxe un libro sobre Castelao para público adolescente, Castelao segundo Rañolas, no que Marilar Aleixandre percorre a traxectoria do político e artista rianxeiro a través dos seus personaxes,

especialmente do Rañolas de Os dous de sempre. A segunda proposta é Murmuraban as miñas veciñas, media ducia de contos autoeditados polo narrador e clown Dani Blanco.

O sexto disco de Los Eternos é o seu primeiro álbum en galego e unha homenaxe póstuma a Arantza Navarrete, estreita colaboradora do grupo. Con colaboracións de Guadi Galego e Óscar Avendaño

e un son que se achega á 'americana', 'San Antonio' estará dispoñible nas plataformas dixitais o 1 de abril e poderá escoitarse en directo o 26 de abril en Cedeira e o 17 de maio en Pontevedra e Vigo.

Afonso Becerra comenta ‘A burra, a mesa e o pau’ , do CDG, un espectáculo que une unha vida de esforzos, a loita obreira e unha esperanza teimuda en solucións máxicas. Dirección e dramaturxia de Lorena Conde

“As 48 obras dialogan entre si”

‘Camaradas’, unha exposición na Fundación Manuel Moldes de Pontevedra  que reúne obras do autor con pezas de Mon Vasco, Ignacio Basallo, Luís Borrajo, Guillermo Monroy, Correa Corredoira, Xaime Cabanas, Jorge Barbi e Francisco Mantecón, tomando como nexo a amizade que Moldes compartía con cada un deles

Conversamos cun dos comisarios da mostra, Carlos Bernárdez, e coa viúva e presidenta da Fundación, May Díaz.

Repasamos as candidaturas galegas dos premios MIN da música independente con Tito Lesende, que ademais pica cancións dos muradáns Lisdexia e da compostelá Mariagrep. Tamén escoitamos a Rigoberta Bandini, que acaba de presentar disco e mais a Ryan Adams, que actúa esta fin de semana na Coruña.

'Estrutura dun zumbido', de Alberto Ovejero

 Exposición na Fundación Granell de Santiago 

O artista Alberto Ovejero chámalles 'zumbidos' aos pensamentos recorrentes, que canaliza a través do exercicio artístico. Na Fundación Granell expón un feixe de ilustracións, colaxes e esculturas que exploran o corpo e a identidade.

A mostra 'Estrutura dun zumbido' está comisariada por Eduardo Valiña e pode visitarse ata o 4 de maio.

Moncho Lemos recomenda ‘Tierra de nadie’, de Albert Pintó. Un policial sobre o narcotráfico en Cádiz con Luís Zahera de coprotagonista

‘Por todo lo alto’, de Emmanuel Courcol. A medio camiño entre o drama e a comedia amable.

“Puxen en diálogo textos do galego José Ángel Valente e o nicaragüense Ernesto Cardenal porque ambos teñen interese na poesía mística”

A OSG estrea este venres «Cántico», unha obra do músico compostelán Fernando Buide para soprano, coro e grande orquestra.

Trátase dun encargo da Sinfónica de Galicia e o Xacobeo e contará coa soprano canaria Raquel Lojendio, que é colaboradora habitual do compositor.

No Pazo da Ópera da Coruña ás 20h.

O guionista coruñés Carlos Ares abre para nós a súa comicteca

Como cada último mércores de mes, Manel Cráneo convida un lector de cómic para que comparta a súa historia lectora, favoritos e recomendacións.

Neste caso, é o guionista coruñés Carlos Ares quen se somete ao noso 'Test da BD'.

Con Raquel C. Pico marchamos ata o século XIX para achegármonos as pioneiras da fotografía, como María Cardarelly, autora dalgunhas das primeiras fotos de Rosalía