Todos os podcast | A penaltis

“Buscamos a maneira visual de percorrer a vida e obra do escritor”

«Gonzalo Torrente Ballester, a travesía dun creador» pode visitarse en Ferrol deica o 30 de abril no centro cultural que leva o seu nome. A exposición está comisariada por Darío Villanueva e Carmen Becerra.

A mostra inclúe copias orixinais das súas  novelas, primeiras edicións e fotografías, moitas delas tomadas por el.

Escoitamos con Tito Lesende 'Teño caldo quente', a nova canción de Mondra, segundo adianto do seu próximo álbum. Tamén temas recén saídos do forno de Pamela Rodríguez e Pablo Lesuit.

E recordamos as datas dos próximos concertos de De Ninghures e de Erin Mackenzie.

Ata o 18 de maio pódese visitar en Vigo, no Museo do Mar, a mostra 'Nicolás Muller en Galicia'. A exposición reúne 50 imaxes deste fotógrafo documental nado en Hungría e nacionalizado español. 

Fábricas de conservas, portos, lavadoiros aparecen nas imaxes, 34 delas inéditas, que retratan a Galicia traballadora dos anos 60 con mirada humanista.

Escoitamos a súa filla, a tamén fotógrafa Ana Muller, e o comisario da mostra, José Ferrero.

Moncho Lemos comenta Wolfgang (Extraordinario), de Javier Ruiz Caldera e nos fala da gala dos Mestre Mateo, que terán lugar o sábado en Lalín e poderá seguirse a través da TVG

Na véspera de que arranquen xira, recibimos a visita de Nuno Pico, que presenta ‘III’ (Ernie Récords), o traballo novo de Grande Amore. Distorsión, ruído e máis rock e diversión.

Mañá no Torgal en Ourense e o sábado na Jagger de Lugo. E logo Murcia, Alacant, Madrid...

Paula Mayor, que gañou o premio Castelao con 'Rosalía oculta'

Manel Cráneo preséntanos hoxe a gañadora do premio Castelao 2023, Paula Mayor, que acaba de publicar coa editorial Galaxia a súa obra 'Rosalía oculta'.

A Mostra Internacional de Cinema Etnográfico, impulsada polo Museo do Pobo Galego, chega á súa vixésima edición. En 2006 naceu este festival de antropoloxía audiovisual,

polo que pasaron nestas dúas décadas 800 cineastas e profesionais do cinema. Conversamos coa directora da MICE, Ana Estévez Lavandeira, e co guionista e historiador do cine

Pepe Coira, que guiará unha conversa sobre o filme que protagoniza a sesión inaugural da mostra, 'O carro e o home'.

Raquel C. Pico lévanos polo camiño das camelias na súa chegada a Galicia aló polo século XVIII. Agora temos oito mil variedades!

“O diálogo entre vivos e mortos é un dos eixos da mostra”

Comisariada por Germán Labrador Méndez, a exposición ‘Ollos de vidro. As formas doutra historia de Galicia’, reúne 300 pezas para reler a historia galega dende a creación (contra)cultural nos últimos 150 anos.

Na Sala Isaac Díaz Pardo do Auditorio de Galicia deica o 25 de maio

Pablo Sánchez Quinteiro debulla as citas desta semana coa Real Filharmonía de Galicia, a Orquestra Sinfónica de Galicia e a Orquestra Clásica de Vigo.