Todos os podcast | A penaltis

Repasamos a traxectoria na BD do autor Jaime Asensi, finado no mes de febreiro. O arousán realizou adaptacións ao cómic de obras como Picnic, de Fernando Arrabal, ou o Ubú Rei de Alfred Jarry.

Recordámolo con Manel Cráneo e compañeiros como Xan López Domínguez, Javi Montes ou Santy Gutiérrez.

"Deberían reeditarse os discos de Bibiano"

Carlos Rego publica unha biografía do cantautor e promotor

'Bibiano. Cambiar para ser un mesmo' rescata a faceta musical de Bibiano Morón, máis coñecido nas últimas décadas pola súa faceta de promotor de concertos.

Carlos Rego repasa a traxectoria musical do mozo compostelán que tocaba en grupos 'yeyé' e que despois foi membro de Voces Ceibes, publicou tres discos en solitario e enlazou a súa xeración coa da Movida viguesa.

Raquel C. Pico fálanos hoxe das primeiras películas galegas de ficción, comezando por Miss Ledya, do ano 1916 e rodada en Pontevedra.

“Levamos media ducia de artistas de Galicia” .Arranca en Madrid a Feira Internacional de Arte Contemporánea.Conversamos con Chus Villar, directora da galería Nordés, a única galega con stand propio en ARCO.

Tamén con Nuria Blanco, de Moret Art, que acode a Art Madrid. “ Esta feira está orientada aos clientes particulares”

ARCO comeza a súa 44ª edición con Nordés como única galería galega presente no programa xeral. 

Repasamos con Mónica Maneiro o programa da feira pero tamén a presenza galega noutros eventos artísticos que se desenvolven esta semana en Madrid,

como Art Madrid, Urbanity, Hybrid ou a exposición do artista pontevedrés Carlos Rodríguez Méndez que acaba de inaugurar o Centro de Arte Dos de Mayo de Móstoles.

A compañía Excéntricas leva a escena 'As desterradas', a peza coa que Carme Varela gañou o premio Álvaro Cunqueiro para textos teatrais. O texto conta a resistencia das monxas bieitas

do mosteiro de San Salvador de Albeos, cando a coroa de Castela e a xerarquía eclesiástica pretenden desposuílas dos seus bens e expulsalas a Compostela. 

Quico Cadaval dirixe a montaxe, que conta cun elenco formado por Belén Constenla, Melania Cruz, Rebeca Montero, Patricia Vázquez, Rocío González e Víctor Mosqueira. 

Conversamos coa dramaturga, o director e unha das actrices.

Dolores Vilavedra comenta ‘Son coma glaciares os barcos de aceiro’, de Cynthia Menéndez. Unha novela que retrata o Vigo industrial e combatente a través das lembranzas dun neno que medra entre as manifestacións, as folgas e a loita sindical de finais dos anos noventa.

“Creo que mesturar improvisación e videoxogos nunca antes se fixo. Cada función é diferente”

‘Corentena. Game over’, de David Perdomo e Xosé A. Touriñán, un show que combina teatro e videoxogo, un espectáculo interactivo que arranca xira o día 7 en Pontevedra.

Death metal desde Santiago e Lugo

Patty Castro pica música dos composteláns Absorbed, activos nos primeiros anos noventa. Tamén coñecemos os lugueses Barbarian Prophecies, que ademais de facer

música colaboran en diferentes iniciativas para fortalecer a escena underground galega.

Susana Rodríguez Barcia e Bosco García de Gárate son os autores de 'Cantos do mar', un libro que compila, traduce ao galego e contextualiza 60 cantigas mariñeiras de diferentes países atlánticos.

A maioría son cantos de traballo e servían para optimizar o labor a bordo, pero neles tamén se fala de praceres, saudade e dereitos laborais.

Un código QR permite acceder a unha lista de versións musicais dos sesenta cantos que reúne a obra.