Todos os podcast | En xogo motor

Manel Cráneo recomenda dous libros que expoñen as orixes da banda deseñada en Galicia. 'A historia do cómic en Galicia' de Octavio Beares fai un trazado xeral da BD no país

e 'Os pioneiros da banda deseñada galega' de Xulio Carballo aborda especificamente a década de 1970.

Con Raquel C. Pico achegámonos á figura do vigués Federico Ribas, publicista histórico dos anos 20 e 30 do século pasado que chegou a ser o mellor pagado de España

A catedrática de Literatura Galega na Universidade de Vigo, Camiño Noia, e mailo folclorista, coreógrafo e investigador, Quique Peón, recollerán este venres en Lugo os Premios “Mestre e Mestra da Memoria” que concede a Asociación de Escritoras e Escritores en Lingua galega.

Os premios recoñecen as súas achegas, ó longo das súas vidas, á nosa memoria colectiva e o saber popular.

Camiño Noia botou anos dedicada á clasificación do conto galego de tradición oral. Peón, pola súa parte, fixo un extenso labor de recollida de campo, recuperando bailes, danzas, músicas, traxes e tradicións, especialmente desde o grupo Xacarandaina da Coruña.

Conversamos con Lara Dopazo Ruibal, que acaba de publicar o seu segundo libro de relatos. 'Contos gringos' leva o universo literario da escritora a Iowa, onde residiu durante dous anos.

Manel Cráneo recoméndanos hoxe dous libros que falan da Historia da banda deseñada en Galicia.

A Asociación de Escritoras e Escritores en Lingua Galega recoñece como Mestra e Mestre da Memoria 2024 á catedrática de Literatura galega Camiño Noia Campos e ao folclorista Henrique Peón, polas súas aportacións ao longo dos anos “para manter viva a nosa memoria colectiva e o saber popular”.

Recibirán os galardóns nunha gala en Lugo o venres pola tarde.

Con Raquel C. Pico achegámonos á figura do vigués Federico Ribas, publicista histórico dos anos 20 e 30 do século pasado.

Estes 'Contos gringos' naceron en Iowa, onde Lara Dopazo Ruibal realizou un máster en escrita creativa entre 2021 e 2023.

 A escritora marinense segue explorando os territorios do desacougo, o desconcerto e o sobrenatural, agora desde a condición de estranxeira.

Lula Goce, do mural ao lenzo

Mónica Maneiro comenta a mostra 'Inner Garden' de Lula Goce, que pode visitarse na Galería Dupla de Santiago. 

A muralista de Baiona, con obra repartida en espazos públicos de todo o mundo, leva o seu traballo en exteriores ao lenzo.

Conversamos co novo director do Museo do Pobo Galego, o antropólogo e arqueólogo Lois Ladra. Este coruñés nado en 1972 foi escollido tras un concurso de méritos con máis de vinte candidaturas. 

O seu propósito é conseguir aumentar os recursos económicos e humanos do Museo, recuperar todo o conxunto monumental de San Domingos de Bonaval e concluír a montaxe das novas salas de Historia, coa vista posta no 50 aniversario da institución, en 2027.

Dolores Vilavedra comenta o ensaio “Economía e poesía. Rimas internas”, de Yolanda Castaño.

De como unha novela levou a un achado. A historia dos aneis dos nove bispos medievais soterrados en Santo Estevo de Ribas de Sil.

Son catro aneis milagreiros dos que o xoieiro José Luis Ferreiro fixo unhas réplicas que se poden ver na sancristía. Os orixinais están a ser estudados no CSIC.

Falamos con el e con Vania López, directora do  Centro de Conservación San Martín da Diocese de Ourense, que foi quen fixo a descuberta. Tamén coa escritora María Oruña, que levantou a lebre cunha novela publicada en 2020.

Dolores Vilavedra comenta o ensaio “Economía e poesía. Rimas internas”, de Yolanda Castaño.