Todos os podcast | En xogo motor

O Instituto Galego de Física de Altas Enerxías conmemora o seu 25 aniversario cunha exposición de arte realizada en colaboración co departamento artístico do CERN. 'Instrumentos de visión' achega vídeos e fotografías

do artista italoalemán Armin Linke sobre as complexas ferramentas que a ciencia contemporánea utiliza para investigar a composición da materia. 

A comisaria da mostra é a compostelá Mónica Bello, coa que conversamos sobre as interseccións entre ciencia e arte.

Xa está nos cines Del revés 2. Agora coa nena protagonista entrando na adolescencia da man de dúas emocións máis.

A outra película que nos trae Moncho Lemos é Alumbramiento, que aborda o internamento de adolescentes embarazadas e o roubo de bebés na España dos 80’s

“Dique tamén cuestiona a cultura do esforzo”

Hai 150 anos 200 mulleres retiraron 245.000 metros cúbicos de terra e pedras que transportaron en 58.000 cestos sobre as súas cabezas. A escavación do Dique da Campa de Ferrol centra o espectáculo que dirixe Marta Pazos: “Para min é importante honrar o legado para sementar o que vén”. Falamos coa directora e co responsable de Nova Galega de Danza, Jaime Pablo Díaz: “Entendín que tiña que ser contado doutra maneira”

As traballadoras que escavaron o Dique da Campa de Ferrol protagonizan o novo espectáculo de Nova Galega de Danza. E estreas de cine con Moncho Lemos

Estrea en Santiago de Dique. A coprodución de Nova Galega de Danza co Centro Coregráfico conta coa dirección de Marta Pazos: “Para min cada proceso ten que ser un espazo de transformación”.

Moncho Lemos tráenos Del revés 2 e Alumbramiento, xa en cines

Vilagarcía acolle deica o día 29 a sétima edición do Clasclás, o Festival Internacional de música clásica.

Nova Galega de Danza estrea Dique.

Tritón, de Blanca Riestra é o noso libro da semana.

O IGFAE, Instituto Galego de Física de Altas Enerxías, conmemora 25 anos cunha exposición de arte, 'Instrumentos de visión', de Armin Linke, comisariada por Mónica Bello.

Repasamos con Tito Lesende a música dalgúns dos artistas que participarán no Gozo Festival, o 6 de xullo en Santiago de Compostela

Santiago acolle a exposición itinerante de arte sacra Las edades del hombre.

“Hospitalitas” comparte sede entre Compostela e Vilafranca do Bierzo.

Pode visitarse ata novembro na catedral e no mosteiro de San Martiño Pinario. Falamos co comisario da mostra, Ramón Yzquierdo

Luz Castro tráenos na súa derradeira colaboración da tempada Xerme, de Acariño Games, unha aventura de descubrimento coa enerxía coma protagonista. Tamén nos recomenda achegarnos ao Museo do Videoxogo de Cangas, que acaba de abrir un salón Arcade.

“O meu irmán era un gran intelectual moi descoñecido”

29 anos despois da morte do compositor a familia atopa o espazo para os materiais que conforman o arquivo de Enrique Macías. “Queremos que ese material poda ser estudado e darlle valor ao seu traballo”. Falamos con Xabier Macías, irmán do compositor, e con Roberto Oliveira, investigador e responsable da dixitalización do legado.

Mergullámonos en tres cómics en galego chegados recentemente ás librarías. 'Idol!', de Alba Chan e Ene, é un cómic xuvenil inspirado no k-pop e protagonizado por dúas mozas de 16 anos que participan nun 'talent show'. O libro gañou o premio de BD O Garaxe Hermético e está publicado por Edicións Xerais. 'Herba' (Rinoceronte Editora) é a novela gráfica da coreana Keum Suk Gendry-Kim sobre unha das miles de mulleres que foron escravizadas sexualmente polo exército xaponés, traducida ao galego por Alba Verea Pérez. 'Cando sopra o vento' (Retranca Editora) é un clásico antibelicista do británico Raymond Briggs con versión galega de Alejandro Tobar.