Miskien help dit om, soos die proses vorder, aantekeninge te maak, die beskrywing te verfyn sodat jy by die essensie kan uitkom. Dan weer, die reis is inderdaad ʼn lewensreis, die taak is ʼn lewenstaak, die antwoord kom met verdrag. Solank jy en ek daarmee ʼn begin maak.

Die vraag is dus, in wie se skadu leef jy en wanneer is jy van plan om jou eie unieke self te ontdek en vleuels te gee?

As ons dan weer verwys na vers 11 van Psalm 16 kan ons met meer perspektief nadink en ons instemming betuig dat God inderdaad buitengewoon goed is.

Die digter sê: “Ek het die Here altyd by my”. Wat ʼn wonderlike belydenis. Leef vandag en elke dag vanuit hierdie werklikheid.

Kyk ʼn bietjie rondom jou en sien wat die Here aan jou toevertrou het.

Ek kan soggens opstaan en saans gaan slaap met hierdie belydenis: “Here, U is my lewe”, en veilig en geborge voel.

ʼn Mens moet ʼn keuse maak. Ons het nodig om iewers toe te laat dat die Gees van die Here van ons besit neem. Voortaan geld die beginsels van God se Woord in ons lewens.

Mag ons, as ouers, wysheid ontvang.

Christen-ouers het ʼn uitgesproke of onuitgesproke getuienis dat hulle in die voetspore van Jesus wil wandel.

Ons mag nie bydra tot die verwarring wat daar by ons kinders ontstaan nie.