Kristjana fékk enga aðra til sín en Kristjönu Ben sem hélt lengi vel úti hlaðvarpinu Já elskan. Þær nöfnurnar fara yfir algengar spurningar í sambandi við nýstofnuðu umboðsskrifstofuna Atelier Agency. Þær ræða líka hvernig það er að taka skrefið að því að stofna sitt eigið fyrirtæki á milli þess sem þær blaðra og hrósa hvor annari.

Kristjana Barðdal og Sylvía Briem spjalla um fyrirtækjarekstur og spennandi fréttir sem Gummi nefndi í síðasta þætti og Kristjana segir frá í þættinum. Sylvía fer yfir hvernig hún byggði upp fjölskyldufyrirtækið Steindal og hvernig hún og Eva Mattadóttir héldu úti hlaðvarpinu: Normið.

Gummi Kíró og Kristjana Barðdal fara yfir hvað er það mikilvægasta þegar kemur að því að taka ákvarðanir. Jú ef þið hafið verið að hlusta gætu þið giskað rétt, það eru auðvitað gildi. Þau fara yfir hvernig gildi hafa aðstoðað þau að taka ákvarðanir og afhverju það er mikilvægt fyrir öll þau sem hafa áhuga á því að starfa sem áhrifavaldar.

Gummi Kíró og Kristjana Barðdal fara yfir hvernig það er að gera erfiða hluti. Finnst þér stundum erfitt að pósta á samfélagsmiðla? Þá er þetta þátturinn fyrir þig þar sem þau fara yfir hvernig þau fundu sjálfstrauðstið til að pósta því sem þau vilja. Þau ræða allt sem hefur verið í gangi hjá þeim, námskeiðin sem þau voru að halda og hvernig þau taka erfiðar ákvarðanir.

Gummi Kíró og Kristjana Barðdal fara yfir hvernig það er að vera áhrifavaldur í dag. Gummi segir frá því hvernig hann byrjaði á instagram og hvaða skref hann tók að verða áhrifavaldurinn sem hann er í dag. Við förum yfir hvernig markaðurinn er í dag þegar kemur að því að vera áhrifavaldur og hvað þarf að hafa í huga þegar kemur að samstörfum. Förum betur yfir samstarfið okkar og hvað við höfum lært frá því að við byrjuðum að vinna saman.

Í þættinum fara Gummi Kíró og Kristjana Barðdal sem er nýr meðstjórnandi þáttarins yfir hvernig það kom til að Kristjana er umboðsmaður Gumma. Þau ræða hvernig þau kynntust, hvað felst í því að vera umboðsmaður og hvernig þau vinna saman ásamt því að kynna til leiks Kristjönu og hennar bakgrunn.

Kristín Linda Kaldal kom í ótrúlega skemmtilegt og fræðandi spjall um þarmaflóruna og heilsuna á heildrænan hátt. Kristín á sér magnaða sögu um hverning hún vaknaði til vitundar og snéri blaðinu við hvað varðar sína heilsu og gefur okkur frábær ráð um hvernig við getum verið fyrirmyndir fyrir börnin okkar og aðra þegar kemur að vali á mataræðinu okkar 

Helena Reynis er gríðarlega hæfileikarík listakona sem hefur farið sínar eigin leiðir í lífinu og lætur ekkert stoppa sig. Hún hefur síðustu 10 árin búið erlendis en er komin aftur heim og ætlar sér stóra hluti. Við settumst niður og ræddum listina, samfélagsmiðla og spennandi verkefni 

Snædís Xyza flutti ung frá Filipseyjum til Dalvíkur með móður sem beitti hana alvarlegu andlegu og líkamlegu ofbeldi. Ótrúleg saga Snædísar um að lifa af æsku árin og viljann til þess að verða einn besti matreiðslumaður á Íslandi. Saga sem fær ykkur til að bæði hlæja og gráta, og sýnir hvernig ein góð manneskja gat breytt lífi lítillar stelpu sem fékk loksins að blómstra 

Sólrún Diego kom í mjög einlægt og persónulegt spjall um þær breytingar sem hafa átt sér stað í hennar lífi og hvað hún hefur gert til að huga að fjölskyldunni og sinni andlegu heilsu