A chaschun da la 46avla Festa da chant dal district Surselva han passa 950 chantaduras e chantadurs preschentà ina vasta paletta da litteratura da chor davant public e giuria. Cun Noss chors datti in schatg da diversas producziuns da la scuntrada musicala.

Igl è vegnì chantà da la damaun fin la saira. La plievgia n'ha betg impedì da far festa en Surselva. Era sch'in u l'auter radi da sulegl n'avess betg fatg donn a la Festa da chant dal district Surselva, è «Trun conta 2024» stà in vair success en plirs aspects. Ina massa persunas voluntarias sco era bunamain 1'000 chantaduras e chantadurs plain engaschament han procurà per in'occurrenza che vegn a restar en nossas ureglias. Durant questa emissiun laschan intginas furmaziuns participantas sfundrar nus anc ina giada en l'atmosfera da quest di.