Oz chantan «Noss Chors» cumposiziuns da bab e figl Dolf. Il figl, Benedetg Dolf avess pudì festivar ils 13 d'avust ses 100avel anniversari. Noss Chors dad oz na sa fatschenta betg mo da Benedetg, mabain era da ses bab. Tumasch Dolf é naschì 1889 a Maton. Durant sia vita ha il scolast e cumponist purtà ensemen in'entira massa chanzuns. Per part dad auters cumponists dentant era bleras atgnas cumposiziuns. Benedetg Dolf, ses figl ha ertà quest plaschair dal chant da chors. Sias ovras pudais tadlar en la segunda mesadad da l'emissiun dad oz.