Hits che giavischan simplamain tut il bun e quai per differentas situaziuns.

L’entschatta gratulain e giavischain a Marianne Rosenberg tut il bun per ses 70avel anniversari. La chantadura da pop e schlagher è naschida ils 10 da mars 1955 a Berlin. Gia cun 14 onns ha ella gudagnà ina concurrenza da talents giuvens. In onn pli tard ha ella gia edì sia emprima platta, ch’è daventada in success. Oz, passa 50 onns pli tard, fa Marianne Rosenberg anc adina musica. Nus tadlain intgins semperverds dad ella sco era ses hits.

En la segunda part tadlain nus a Bernhard Brink, Anna-Carina Woitschack, die Amigos, Tanja Lasch, Ross Antony ed anc blers auters stars dal schlagher, cun hits che stattan sut il motto «Tut il bun».