Twb txwm ib xyoo lawm uas tub rog Phabmab tau txeeb tus tsoom fwv pej xeem ntawm Aung San Suu Kyi uas yog tus coj pab nom National League for Democracy (NLD), tau muab nws thiab tej nom tseem ceeb txhom, tau ua rau muaj neeg txog 1,500 tus tas sim neej muaj neeg tawm tsam ntau tshaj 11,000 tus neeg raug txhom kaw tsev laj cuj thiab tseem muaj cov kev tawm tsam txuas ntxiv. Ua ke no los kuj tau muaj cov kev nqua hu kom zejzog pej kum haiv thiab UN Security Council nrog xyuas kom tsim tau kev thaj yeeb thiab muaj txoj xub ke rov qab tswj hwm democracy rau lub teb chaws no rau lub caij tseem muaj pej xeem tawm tsam ua ntuv zus txuas ntxiv.