En il chantun Grischun datti plirs chors d'uffants e giuvenils. Perquai è l'emissiun da «Noss chors» dad oz deditgada a las chantaduras ed ils chantadurs giuvens. Sche uffants e giuvenils chantan, s'avran ils cors. Oz chantan las vuschs giuvnas dal Grischun plain entusiassem insaquantas chanzuns en differentas linguas. Quai tanscha da la tipica chanzun rumantscha sco «Danunder» fin tar chanzuns modernas sco «This Song».