
Sign up to save your podcasts
Or


#UkhozifmVabs :Siphetha isonto ngezindaba ezingemnandi zokudlula emhlabeni kuka Senamile Masango obengu Sosayensi waKwaNongoma eKZN. USenamile obeyi-Nuclear Scientist, ubethathwa njengabanye besifazane abamnyama ababe ngumhlahlandlela kulo mkhakha. USenamile ubephinde abe ngowesifazane wokuqala owasebenzela i-European Organisation for Nuclear Research. Ushone esenza iPhD in Nuclear Science. Sixoxa no sisi wakhe u-Sebenzile Masango.
#UkhozifmVabs :Unggongqoshe weZempilo eKZN u-Nomagugu Simelane useziphikisile izinsolo zokuthi kunezibhedlela nemitholampilo ezishoda ngemithi esifundazweni. Ukusho lokhu kade ekhuluma no Tu Mhlaba ohlelweni Abasiki Bebunda izolo kusihlwa. Lezinsolo zisukela eqenjini lezepolitiki i-Action SA elithi lihlangabezane nezikhalazo zabantu abakulenkinga ezinkundleni zokuxhumana. Ake sicaphune inkulumo ebi phakathi kuka Nggongqoshe Simelane kanye no Tu Mhlaba emva kwalokho sizoxoxa no Zwakele Mncwango usihlalo we Action SA eKZN.
#Ezwenisakhile :Sixoxa no Ntombifuthi Khumalo wase Bergville eDukuza ozama ukutholela ingane yakhe yomfana eneminyaka engu 9 usizo. Lomfanyana ofunda uGrade 4 unesifo odokotela bakhe abathi i- hygroma lapho uhlangothi lobuso bakhe lubukeka luvuvukele ngathi lulukhulu kunolunye, futhi ngathi luyawa bese lumnyama ngebala. Lokhu sekudlulele nasonyaweni olungakuhlangothi olufanayo, nalo olukhulu kunolunye
#UkhozifmVabs:Namhlanje sixoxa ngodaba lwentsha ebonakala iya ngokuzinikela ebugebengwini kulandela ukubulawa kowesolwa ngokuba umholi wemgulukudu i-West Gang yase Nanda eThekwini. U-Mnqobi Ndimande okubikwa ukuthi ubeneminyaka engu 22 wabulalwa ngenkathi bedubulana namaphoyisa ngenyanga edlule. Ubengcwatshwa kulempelasonto esiphuma kuyo. Nakuba esolwa ngamacala afana nawokubulala, ukuphanga nokushisa impahla kodwa umndeni wakhe uthi awumazi engumuntu onjalo. Ake sixoxe no sisi ka Mnqobi omdala uNompumelelo Mngoma, sizophinde sixoxe no Dr Mfanozelwe Shozi ophuma kwi KZN Men’s Sector bese siphetha nomnyango wezokuHlunyeleliswa kweziMilo.
From the publisher's feed
Vee Mthembu and Mroza