Tónlistarstílasería Útvarps KrakkaRÚV. Rokk, rapp, klassík, jazz, popp og raftónlist...

Hvernig hljómsveit er sinfóníuhljómsveit? Hvernig tónlist spilar hún? Hvernig meistari er konsertmeistari? Til hvers er þetta prik sem stjórnandinn sveiflar framan í hljóðfæraleikarana? Hvað eru margir í sinfóníuhljómsveit? Við fáum svör við öllum þessum spurningum og fleirum til í þessum þætti.

Við heyrum líka allskonar tónlist sem sinfóníur spila, hittum konsertmeistara Ungsveitar Sinfóníuhljómsveitar Íslands og kynnumst hljóðfærafjölskyldunum.

Sérfræðingur þáttarins:

Sólrún Ylfa Ingimarsdóttir, fiðluleikari og konsertmeistari

Umsjón: Ingibjörg Fríða Helgadóttir

Í dag fjöllum við um nýjasta ævintýrið um músíkmúsina Maxímús Músíkús, en þá fer hann á fjöll ásamt tveimur erlendum músíkmúsum sem spretta uppúr tösku erlends hljómsveitarstjóra. Í þættinum lítum við inn í Hörpu en þann sjötta október síðastliðinn var ævintýrið frumflutt af Sinfóníuhljómsveit Íslands og sögumanninum Unni Eggertsdóttur. Við heyrum svo í nokkrum áheyrendum eftir sýninguna og hlustum á brot úr sögunni.

Viðmælendur:

Unnur Eggertsdóttir, leikkona og sögumaður

Hildur, 9 ára

Ágústa Eva Jónsdóttir, 5 ára

Elías Andri Grétarsson, 5 ára

Karitas Björg Erlingsdóttir, 10 ára

Steinar Stefánsson, 5 ára

Freyr Ingólfsson, 7 ára

Sævar Rafn Halldórsson, 7 ára

Oktavía 6 ára

Lesið efni:

Brot úr hljóðbókinni „Maxímús Músíkús fer á fjöll“. Lestur: Valur Freyr Einarsson.

Umsjón:

Ingibjörg Fríða Helgadóttir

Jóhannes Ólafsson

Gestastjórnandi:

Anna Margrét Beck, 5 ára

Fuglar í tónlist, fuglar í ljóðum, fuglar í sögum, fuglar í kvikmyndum, fuglar allsstaðar!

Í þessum þætti og þeim næsta finnum við allskonar fugla í sögunni, menningu og listum. Við heyrum fuglasögur og ljóð, hlustum á fuglatónlist og athugum hvort við þekkjum fuglana á hljóðinu. Við hittum líka Bebbu Margréti, Hrafn og Hauk en þau segja okkur frá uppáhaldsfuglunum sínum.

Sögur og ljóð:

Eldfuglinn og Ívan prins - rússneskt ævintýri

Sagan um landvætt Norðurlands

Fuglalíf úr ljóðabókinni Fuglaþrugl og Naflakrafl eftir Þórarinn Eldjárn

Sagan um Íkarus og vaxvængina

Sagan af Dimmalimm eftir Mugg

Ljóti andarunginn eftir H.C.Andersen

Lesarar:

Gunnar Helgason

Jóhannes Ólafsson

Umsjón: Ingibjörg Fríða Helgadóttir

Vissir þú að eldfuglinn á að vera með töfrafjaðrir? Hefur þú heyrt um andarunga sem verður að svani? Hvaða íslensku nöfn eru fuglanöfn?

Að syngja í kór er ótrúlega vinsælt á Íslandi og það finnast hundruðir kóra út um allt land. Í þessum þáttum ætlum við að kynnast kórum, hvernig þau syngja í röddum, hvernig tónlist þau syngja og svo framvegis. Við gerumst flugur á vegg á kóræfingum, heyrum hvernig söngvararnir hita upp röddina, læra ný lög og hvað þeim finnst skemmtilegast við að syngja í kór.

Kórarnir sem við heimsækjum í þættinum í dag eru Gradualekórar Langholtskirkju og Stúlknakórar Reykjavíkur.

Stúlknakór Reykjavíkur

Stjórnendur: Guðrún Árný Guðmundsdóttir, Matthildur Guðrún Hafliðadóttir, Margrét Pálmadóttir og Sigríður Soffía Hafliðadóttir

Graduale Liberi, Graduale Futuri og Gradualekórinn

Stjórnendur: Rósa Jóhannesdóttir, Sunna Karen Einarsdóttir og Þorvaldur Örn Davíðsson

Viðmælendur:

Dagný Sól Steinsdóttir

Ingibjörg Xiang Ragnarsdóttir

Jakobína Lóa Sverrisdóttir

Margrét Helga Arnardóttir

Allir krakkarnir í Graduale Liberi

Umsjón: Ingibjörg Fríða Helgadóttir

Síðari þáttur af tveimur

Sögur af Múmínálfunum í Múmíndal hafa verið vinsælar víða um heim í mörg, mörg ár. Fyrsta sagan um þessar vinalegu verur kom út árið 1945 og var skrifuð og myndskreytt af finnsk-sænsku myndlistarkonunni og rithöfundinum Tove Jansson. Síðan héldu sögurnar áfram að koma út og persónur að þróast. Við þekkjum öll Múmínsnáða, Múmínmömmu, Snorkstelpuna, Hemúlinn, Snabba og fleiri - en um hvaðan koma þau og um hvað eru sögurnar af múmínálfunum?

Í þættinum í dag skreppum við í Múmíndal og tölum við góða gesti um íbúa hans og sögur af þeim.

Viðmælendur:

Þórdís Gísladóttir, skáld og þýðandi

Hólmfríður Helga & Höskuldur Sölvi, múmínaðdáendur

Umsjón:

Jóhannes Ólafsson

Fuglar í tónlist, fuglar í ljóðum, fuglar í sögum, fuglar í kvikmyndum, fuglar allsstaðar!

Í þessum þætti og þeim næsta finnum við allskonar fugla í sögunni, menningu og listum. Við heyrum fuglasögur og ljóð, hlustum á fuglatónlist og athugum hvort við þekkjum fuglana á hljóðinu. Við hittum líka hana Veru, en hún er ellefu ára stelpa frá Akureyri. Hún segir okkur hver uppáhalds fuglinn hennar er.

Sögur og ljóð:

Svanurinn úr Karnivali dýranna eftir Camille Saint - Säens

Fuglalíf úr ljóðabókinni Fuglaþrugl og Naflakrafl eftir Þórarinn Eldjárn

Þjóðsögur um rjúpu, hrafn og dreka

Lesarar:

Gunnar Helgason

Jóhannes Ólafsson

Umsjón: Ingibjörg Fríða Helgadóttir

Vissir þú að krummi er galdrafugl? Voru til drekar á Íslandi? Hvaða hljóðfæri hljómar mest eins og fugl?

Að syngja í kór er ótrúlega vinsælt á Íslandi og það finnast hundruðir kóra út um allt land. Í næstu þáttum ætlum við að kynnast kórum, hvernig þau syngja í röddum, hvernig tónlist þau syngja og svo framvegis. Við gerumst flugur á vegg á kóræfingum, heyrum hvernig söngvararnir hita upp röddina, læra ný lög og hvað þeim finnst skemmtilegast við að syngja í kór.

Kórarnir sem við heimsækjum í þættinum í dag eru Barnakór Akureyrarkirkju (7-9 ára og 10-12 ára) og Skólakór Kársnesskóla (10 ára strákahópur).

Barnakór Akureyrarkirkju

Stjórnandi: Sigrún Magna Þórsteinsdóttir

Skólakór Kársnesskóla

Stjórnandi: Álfheiður Björgvinsdóttir

Umsjón: Ingibjörg Fríða Helgadóttir

Fyrri þáttur af tveimur

Í þættinum í dag spennum við beltin og brunum um Austurland en gætum okkar á hreindýrunum. Hvað er skemmtilegt að skoða og gera á ferðalagi um Austurlandi? Við spyrjum nokkra hressa krakka úr Egilsstaðaskóla að því. Heyrum líka af landvætti Austurlands og heyrum þjóðsöguna Álfadrottningin í Snotrunesi úr bókinni Þjóðsögur við þjóðveginn. Spurningakeppni KrakkaRÚV er á sínum stað og þar reynir á alla fjölskylduna.

Umsjón:

Ingibjörg Fríða Helgadóttir

Sævar Helgi Bragason

Viðmælendur:

Hilmar Freyr Ævarsson

Íris Ósk Ívarsdóttir

Árni Veigar Árnason

Harpa Sif Þórhallsdóttir

Lesari: Jóhannes Ólafsson