Í kvöld fjöllum við um alþjóðlega dýradaginn sem var í gær. Dýradeginum var fagnað í fyrsta sinn á Íslandi í gær skrúðganga fór frá Laugarnesskóla yfir í Grasagarðinn í Laugardal.

Dýradagurinn gefur fólki tækifæri til að læra um lífið á jörðinni og umhverfismál. Hugmyndin er fengin frá samtökum líffræðingsins Jane Goodall en hún er þekktust fyrir rannsóknir sínar á simpönsum. Hún sýnir dýradeginum mikla athygli og stefnir á að vera á dýradeginum á Íslandi næsta vor.

Viðmælendur:

Ísak Ólafsson

Marta Carrasco

Rannveig Magnúsdóttir

Atli Svavarsson

Umsjón:

Sævar Helgi Bragason

Íslenskir nemendur hafa undanfarna mánuði efnt til loftslagsverkfalla á hverjum föstudegi klukkan 12. Föstudaginn 24. maí verður svo alþjóðlegt loftslagsverkfall um allan heim. En af hverju skrópa nemendur í skólann og efna í loftslagsverkfalla? Ólína Stefánsdóttir, nemandi í Hlíðaskóla og Jóna Þórey Pétursdóttir, forseti Stúdentaráðs Háskóla Íslands, segja okkur frá því í þætti kvöldsins.

Umsjón: Sævar Helgi Bragason

Fjögurra þátta sería um fjölskyldur þar sem fjallað verður um alls kyns fjölskyldur, stórar og smáar, og daglegt líf þeirra.

Í hverjum þætti verður flutt stutt útvarpsleikrit eftir nemendur í Borgarholtsskóla, sem þau unnu í samvinnu við Einar Sigurðsson hjá útvarpsleikhúsi RÚV, en þema þeirra er fjölskyldur. Við fáum líka góða gesti í spjall og heyrum í kátum krökkum úr Snælandsskóla sem segja okkur frá fjölskyldunum sínum.

Í öðrum þætti köfum við ofan í efni síðasta útvarpsleikrits, en það var skilnaður foreldra. Hvers vegna skilja foreldrar og hvað þýðir það fyrir okkur? Síðan frumflytjum við annan þáttinn úr útvarpsleikritaseríunni Ekki er allt sem sýnist. Höfundur er Rakel Sif Árnadóttir

Viðmælendur:

Hilmar Ingi Árnason, 11 ára

Björn Kári Sigurbjörnsson, 12 ára

Magnús Heiðar Scheving Jónsson, 10 ára

Nikulás Guðnason, nemandi í Borgarholtsskóla

Snædís Laura Heimisdóttir Paz, nemandi í Borgarholtsskóla

Margrét Birna Þórarinsdóttir, sálfræðingur

Umsjón: Ingibjörg Fríða Helgadóttir

Annar þáttur af fjórum

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Við sögðum meðal annars frá furðulegum gervilundum í Hrísey, kynnum okkur hús íslenskra fræða, kíktum á úrslit Eurovision og fengum Krakka-Kiljuna um uppáhaldsbókina Fíasól á flandri.

Umsjón:

Jóhannes Ólafsson

Af hverju þurfum við að sofa? Af hverju dreymir okkur? Hvers vegna hrjótum við? Sérfræðingur þáttarins, Erla Björnsdóttir, sálfræðingur, segir okkur allt um svefn og líka hvers vegna snjallsímar og spjaldtölvur hafa slæm áhrif á svefninn.

Umsjón: Sævar Helgi Bragason.

Í þættinum er fjallað um leiðangur manns niður í dýpstu gjá Jarðar sem er næstum 11 km undir yfirborði sjávar. Þar fundust ekki bara áður óþekktar lífverur, heldur líka plast frá okkur mönnunum. Að auki fjöllum við um nýjar fréttir af tunglinu sem er að skreppa saman og fyrirhuguðum leiðöngrum þangað.

Umsjón

Sævar Helgi Bragason

Fjögurra þátta sería um fjölskyldur þar sem fjallað verður um alls kyns fjölskyldur, stórar og smáar, og daglegt líf þeirra.

Í hverjum þætti verður flutt stutt útvarpsleikrit eftir nemendur í Borgarholtsskóla, sem þau unnu í samvinnu við Einar Sigurðsson hjá útvarpsleikhúsi RÚV, en þema þeirra er fjölskyldur. Við fáum líka góða gesti í spjall og heyrum í kátum krökkum úr Snælandsskóla sem segja okkur frá fjölskyldunum sínum.

Í fyrsta þætti fræðumst við um hvað fjölskylda er og heyrum um mismunandi fjölskyldugerðir. Nikulás og Snædís koma og kynna útvarpsleikritin fyrir hönd nemendahópsins sem unnu þau og síðan frumflytjum við fyrsta þáttinn úr útvarpsleikritaseríunni Ekki er allt sem sýnist. Höfundur er Snædís Laura Heimisdóttir Paz.

Viðmælendur:

Eva Björg Logadóttir, 10 að verða 11 ára

Sunna Rún Birkisdóttir, 12 að verða 13 ára

Anna Dagbjört Guðmundsdóttir, 10 að verða 11 ára

Snædís Laura Heimisdóttir Paz, nemandi í Borgarholtsskóla

Nikulás Guðnason, nemandi í Borgarholtsskóla

Umsjón: Ingibjörg Fríða Helgadóttir

Fyrsti þáttur af fjórum

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Í kvöld sö sögðum við meðal annars frá þegar fólk minntist leikarans sem lék Loðinn eða Chewbacca í Stjörnustríðsmyndunum, fengum Krakka-Kiljuna um Pabba prófessor, kynntum okkur skýrslu um áhrif mannsins á lífríki jarðar og kíktum á úrslit í Skólahreysti.

Umsjón:

Jóhannes Ólafsson

Í þessum þætti eins og venjan er á fimmtudögum fjöllum við um sögur. Sögur í allri sinni dýrð. Stórar, smáar, hryllilegar og hressandi. Sögur eru úti um allt.

Í dag ætlum við að kynna okkur nýja sjónvarpsþætti sem eru að hefja göngu sína á RÚV og heita einmitt - hvað haldiði! SÖGUR! Fyrsti þáttur er sunnudaginn 12. maí klukkan 17:55. Myndin í rammanum er tekin af tökudegi þáttanna af Ragnari Visage.

Sérfræðingur:

Sigyn Blöndal

Gestir úr Sögum:

Lúkas Myrkvi Gunnarsson

Sölvi Þór Jörundsson

Umsjón:

Jóhannes Ólafsson

Í þætti kvöldsins verður fjallað um mál málanna, umhverfismál. Rætt er við sérfræðing um ýmsar hliðar á umhverfi og náttúru, bæði góðar og slæmar.

Athafnir mannsins ógna náttúrunni og lífinu á jörðinni og rúmlega milljón tegundir dýra og jurta eru í útrýmingarhættu. Það kemur fram í nýrri skýrslu sem gerð var af alþjóðastofnun um líffræðilega fjölbreytni og vistkerfi sem nefnist IPBES og tilheyrir Sameinuðu þjóðunum. Maðurinn og mikil þörf hans fyrir mat og orku veldur miklu álagi á vistkerfi jarðar og það hefur aldrei verið meira en nú. Það hefur sjaldan verið mikilvægara að hugsa vel um jörðina!

Sérfræðingur:

Auður Önnu Magnúsdóttir

Umsjón:

Sævar Helgi Bragason