Í þættinum í kvöld ætlum við að hlusta á smásögu í tilefni af því að dagur barnabókarinnar var fyrr í þessum mánuði. Dagur barnabókarinnar err haldinn 2. apríl en það er einmitt afmælisdagur danska rithöfundarins H.C. Andersen.

Sagan sem við hlustum á í dag heitir Andvaka og er eftir Mörtu Magnúsdóttur og Birgittu Elínu Hassel og var sagan flutt á degi barnabókarinnar árið 2016, Andvaka gjörið svo vel.

Umsjón:

Jóhannes Ólafsson

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Í kvöld fjöllum við meðal annars um setningu Barnamenningarhátíðar, sigurvegara Músíktilrauna, furðulegar hefðir á breska þinginu og fyrstu ljósmyndina sem tekin hefur verin af risasvartholi.

Umsjón:

Jóhannes Ólafsson

Í þættinum í kvöld fjöllum við um Barnamenningarhátíð sem hófst í þessari viku. Barnamenningarhátíð í Reykjavík var sett í dag með pomp og prakt í Eldborgarsal Hörpu á þriðjudag og aðrar hátíðir eru farnar af stað víða um land.

Leiðarljós hátíðarinnar í Reykjavík eru gæði, margbreytileiki, jafnræði og gott aðgengi að menningu barna, með börnum og fyrir börn. Hátíðin stendur til fjórtánda apríl og fjölbreyttir viðburðir fara fram í grunnskólum, leikskólum, frístundamiðstöðvum og listaskólum. Það verður líka líf og fjör í Gerðubergi í Breiðholti, Hörpu og menningarstofnunum um alla borg.

Sérfræðingur:

Harpa Rut Hilmarsdóttir, verkefnastjóri Barnamenningarhátíðar

Umsjón:

Jóhannes Ólafsson

Eva Rún Þorgeirsdóttir, rithöfundur, segir okkur frá Verksmiðjunni þar sem unglingar fá að sjá hugmyndirnar sínar verða að veruleika. Við spjöllum líka um bækurnar sem hún hefur skrifað og hvað við getum gert þegar við erum kvíðin.

Umsjón: Sævar Helgi Bragason

Í þættinum í kvöld ætlum við að hlusta á smásögu í tilefni af því að dagur barnabókarinnar var í síðustu viku.

Dagur barnabókarinnar er haldinn 2. apríl, á afmælisdegi danska rithöfundarins H.C. Andersen. Sagan sem við hlustum á í dag heitir Eins og í sögu og er eftir Ragnheiði Gestsdóttur og var sagan á degi barnabókarinnar árið 2013.

Lesari:

Ragnheiður Gestsdóttir

Umsjón:

Jóhannes Ólafsson

Í þessum þætti ætlum við að rifja upp helstu fréttir vikunnar. Við sögðum meðal annars frá alþjóðadegi barnabókarinnar, heyrðum af smáforriti sem hjálpar lesblindum, kíktum á brúðuleikritið Dimmalimm í Þjóðleikhúsinu og fræddumst um stuðningsátakið Bláan apríl.

Umsjón:

Jóhannes Ólafsson

Í þessum þætti ætlum við að kynna okkur íslenskar þjóðsögur. Útgáfufélagið Bjartur gaf nú út á dögunum bók þar sem finna má úrval af helstu perlum íslenskra þjóðsagna.

Flestar þjóðir eiga sínar þjóðsögur og þær þykja mjög verðmætar. Þær veita innsýn í hugarheim fólks á öldum áður, líf þeirra reynslu, trú og hjátrú. Þar getum við líka kynnt okkur kynjaveröld hins dularfulla og yfirnáttúrulega. Þar er hægt að finna sögur um álfa og huldufólk, drauga, galdramenn, tröll og útilegumenn svo fátt eitt sé nefnt.

Sögurnar sem við heyrum í kvöld:

Átján barna faðir í álfheimum

Trunt, trunt og tröllin í fjöllunum

Djákninn á Myrká

Selshamurinn

Lesarar:

Jóhannes Ólafsson og Eva Rún Þorgeirsdóttir

Umsjón:

Jóhannes Ólafsson

Í þættinum í kvöld höldum við áfram að fræðast um líffræði frá hinum ýmsu sjónarhornum. Kynnum okkur lífverur, klónun, þróun mannsins og sitt hvað fleira.

Sérfræðingur:

Arnar Pálsson, erfðafræðingur hjá Háskóla Íslands.

Umsjón:

Jóhannes Ólafsson

Vorið er ein af árstíðunum fjórum. Eins og náttúran breytist milli árstíðanna þá breytist menningin okkar líka, við förum til dæmis ekki í sólbað á veturna eða grillum mikið, það er bara hægt að tína villt bláber á haustin, jólin koma um vetur og Eurovision á vorin!

Í þessum þætti fjöllum við um vorhátíðir, Eurovision, sauðburð, Sævar segir okkur frá farfuglum og Maístjörnunni, við hlustum á vortónlist og hittum fálkaskáta úr skátafélaginu Skjöldungum sem segja okkur frá hátíðarhöldum á sumardaginn fyrsta.

Viðmælendur:

Birta Sól Helgadóttir, 12 að verða 13 ára

Halldór Óli Arnarsson, 10 að verða 11 ára

Forskólabörn úr Tónlistarskóla Grafarvogs

Náttúruvísindahornið: Sævar Helgi Bragason

Umsjón: Ingibjörg Fríða Helgadóttir