Ils Laimbachers, ils Kryenbühls, ils Bürglers ed ils Martys. Babs, figls e figlias, soras e cusrins – e tuts fan musica populara.

Oz as lessa preschentar musica da discs ch'èn cumparids l'ultim temp. Vus udis marschs, schottischs e polcas da la chapella Rondom, da Niklaus Hess & 3fach Hirsche, dal Quartett Pillichody dal chantun Neuchâtel, dals «Bärner Ländlers» e dal disc «Verwandts und Bekannts», ina producziun cun musicantas e musicants dal chantun Sviz che sunan en pliras chapellas. Tar las furmaziuns Bürgler-Laimbacher, Echo vom Bäräaug, Echo vom Druosbärg e tar il duo d'accordeons Kryenbühl-Laimbacher. Il remartgabel: tuts èn parents!