Il matg è magari temp da vacanzas u da fins d'emna prolungadas e perquai per l'ina u l'auter era temp da viadi.

En noss viadi musical visitain nus differents pajais. Mintgin da vus po siemiar durant l'instrumentala dad oz da vacanzas u laschar reviver bellas regurdientschas.

Nus cumenzain noss viadi en il Grischun e tadlain sco emprim il «Graubündner Marsch» ina cumposiziun da Heinrich Steinbeck. Alura udin nus igl enconuschent saut grec, il «Zorbas Dance», il medley «Vive la France», ina chanzun populara da la Scandinavia, intgins enconuschents marschs ed anc bleras autras melodias che regordan a l'Italia, a l'Austria, il Portugal u a la Spagna.