Men á páskum, tá vit vitjaðu í Hesti, vóru fólk í hvørjum húsi og nógv lív var í bygdini.

Hestmaðurin Pól á Kletti, sum í mong ár hevur verið blaðmaður á Dimmalætting, er søgufróður maður og gløggur eygleiðari. Hann sigur okkum frá ymiskum í sambandi við bygdina.

Ungi havnarmaðurin Hugo Joensen, sum er hálvur hestmaður, er ein teirra, ið hevur verið nógv í Hesti í uppvøkstrinum. Tá vit vitja, fyrireika hann og onkrir vinmenn eina stóra eplaveltu. Í bønum hitta vit eisini hestmannin Petur Lyngvej, sum er sannførdur um, at ein tunnil hevði verið bjargingin fyri Hestbygd.

Nes Hvalba er ein býlingur í Hvalba, siga tey sum búgva har. Í Nesi búgva umleið 130 fólk, og býlingurin er vaksin nógv.

Ólavur Reinert bóndi sigur frá ymsum søgum úr Norðradali. M.a. um langabban Andrias í Norðradali, sum ætlaði at verða gravsettur á sjálvum Norðradalsskarði, men slepti ætlanini, tí myndugleikarnir settu ov stór krøv.

Heiðvík er úr Hvalba, men hon trívist avbera væl í Norðradali og vildi ikki búð aðra staðni. Og døturnar, Angelika, Viktoria og Sisilia, greiða frá sínum djórum og øðrum. Tær halda tað vera avbera gott at spæla í Norðradali, tí her órógva eingir bilar.

Hesaferð vitjar Tórður Mikkelsen í longstu bygd í landinum, Kollafirði, sum er kend fyri sínar mongu skemtisøgur. Her búgva umleið 950 fólk tilsamans.

Kári Djurhuus, sum í Kollafirði verður róptur Bosch-maðurin, hevur framvegis úr at gera, hóast hann er komin væl upp í sjeytiárini. Hann heldur, at tey smáu virkini hava stóran týdning fyri samfelagið, og at stórar fyritøkur verða gjørdar fyri at kradda alt inn undir seg. Karstin Joensen timburmeistari støkkur inn á gólvið hjá Kára.