Per il mument è bler nov en la vita da Simon Jacomet. Ina chasa nova, ina nova fatschenta – novas sfidas e pretensiuns. «Zai» tutga per el tar il passà. Ses nov ski sa numna ANAVON e vegn producì vinavant a Mustér. Cun quel vul el gughegiar ina nova entschatta. Il medem temp èn el e sia famiglia vid bardigliar en la chasa nova. Ma betg simplamain ina chasa – plitost in object d'art ha Simon Jacomet construì ils davos tschintg onns cun gronda lavur. L'idea vegn dad el e blera lavur ha el fatg sez. Cun gronda perseveranza e blera pazienza ed anc dapliras sfidas. A l'um che lavura pli gugent cun lain, crappa e betun paran sfidas da plaschair meglier che far vacanzas.