Il 2020 avess la Musica da Domat vulì far cun in project spezial in viva sin lur musica. In project ch'è la finala vegnì mess cumplettamain sin il chau pervi dal coronavirus. Il product central da quest project, in disc cumpact, quel han els tuttina pudì registrar malgrà tut las mesiras e limitas.

Uschia pudain nus preschentar a Vus oz ensemen cun Gian Stecher, il dirigent da la Musica da Domat, in'ura plain musica nova. Sin il DC èn da chattar tranter auter differents tocs tradiziunals che vegnan preschentads a chaschun da las festas ecclesiasticas da Domat. U er il toc «Ceremony» ch'ils da Domat han laschà cumponer aposta dal cumponist englais Jonathan Bates. La Musica da Domat ha er vulì perpetnisar differents arranschaments dal dirigent Gian Stecher sin quest DC. Uschia per exempel «Buna notg, dorma bain» en ina versiun acapella, per la quala Acavoce ha perfin dà in pitschen comeback.