Al Tavulin litterar sa scuntran questa giada Clà Riatsch, professer da litteratura rumantscha a l'universitad da Turitg, e l'istoricher e romanist Martin Camenisch.«Flechten» da l'autura svizra Barbara Schibli e «Mustopf» da Beatrice Schaerli-Corradini, la scriventa e psicologa cun ragischs en l'Engiadina che viva en Frantscha, quai èn ils dus cudeschs sin il Tavulin litterar. En tuts dus stattan en il center protagonists che vivan ina passiun che dat la tempra a lur vita.«Mustopf» è il titel dal roman istoric, ma a medem temp er il surnum dal protagonist Filip Saluz. Quel banduna l'onn 1512 cun otg onns sia patria Engiadina per tschertgar sia fortuna e l'ester. Onns pli tard turna el cun las ideas da la refurmaziun en il chau.En l'emprim roman da Barbara Schibli vai per la schumellina Anna che banduna Bever per sa deditgar a Turitg a sia gronda passiun, la perscrutaziun da litgens. E sco il litgen che viva en simbiosa, sto Anna reponderar e chattar la relaziun cun sia sora Leta.