Jy kan nooit teruggaan in die verlede of leef in die toekoms nie. Jy kan slegs vir nou leef en die beste belegging maak in jou gesondheid, jou geluk, jou brein en jou sukses. Jy is in beheer van jou doen en late, jou keuses, hoe vinnig jy besluite neem en waarop jy jou aandag vestig.

Jou doel in die lewe het nie noodwendig te doen met jou werk of verantwoordelikhede nie. Dit is nodig om jou lewensdoel te verander as dit jou nie meer inspireer nie. As jy voortdurend in lyn met God se roeping vir jou probeer kom, sal jy uit jou groef vrykom.

Wat keer jou om na die volgende vlak te beweeg? Is jy dalk bang? Om iets nuuts aan te pak, kan verskriklik vreesaanjaend wees. Nie almal van ons hou van verandering nie. Maar as jy uit jou gemaksone beweeg, wag daar belonings en die geweldige groei wat jou selfvertroue sal opbou.

Om klein en interne oorwinnings te behaal, beteken jy staan op uit jou krisis-groef. Die innerlike triomf is mooi wanneer jy miskien nie groot wonderwerke verrig nie, maar voor jou eie deur vee om jou selfbeheersing weer onder beheer te kry. Skielik besef jy jy kan jouself handhaaf.

Ons is nie op aarde net om te oorleef nie. Ons is hier om ’n vol en gelukkige lewe te lei. Die “negatiewe voorkeur” van ons brein maak dat ons só op die slegte fokus dat ons die goeie dooddruk. Maar jy kan jou brein herprogrammeer. Begin deur te verstaan hoe jou grysstof werk.

Dalk het jy al soveel teleurstellings gehad dat jy totaal hulpeloos voel. Net jý kan dit verander. Deur elke dag meer hoopvol te leef. Jy kan met vertroue vorentoe kyk omdat God jou nooit alleen laat nie. Deur gesonde geloofsgewoontes kan jy daagliks hierdie belofte beleef en aangee.

#SondagStilword vir Mans Episode 37

#SondagStilword vir Mans Episode 36

#SondagStilword vir Mans Episode 35

#SondagStilword vir Mans Episode 34