ጌታ ያለበትን መምረጥ ከክፉው ወጥመድ ማምለጫ ነው:: ጌታን የመረጠ ባህርይውንም መርጧል:: ይኸውም ራስን ዝቅ ማድረግ :: ራሱን ባዶ አድርጎ ሥጋን ለብሶ የተገለጠው ጌታ የከፍታ የማሸነፍና የፀጋው መቀበያ መነገዱ ዝቅ ማለት እንደሆነ አሳይቶናል:: ሰው ዝቅታውን ባልመረጠበት በዛ ጌታን አያገኘውም:: ከከፍታ ሩቅ ነው:: ከአሸናፊነት ከፀጋውም ሩቅ ነው::

የዝቅታ መንገድ ለስጋ አይመችም ለሰይጣንም እንዲሁ:: ነገር ግን ለጌታና ለፀጋው ቅርብና ምቹ ነው:: ሰለዚህ ምርጫችንን ልናስተካክል ያስፈልጋል::

የሐዋርያት ሥራ. 14:1-6 ክፍል 54

የዛሬ ጥያቄዎች

1. በሐዋርያት መመስረት እና ከሐዋርያት ትምህርት ከእውነት ከክርስቶ ትምህርት መውጣት ነው የሚለው ይብራራልን።

2. ሐዋርያት በክርስቶስ ስም አጥምቀዋል ጌታ “ኢየሱስ በአብ፣ በወልድ በመንፈስ ቅዱስ እያጠመቃችሁ” ብሏል። በኢየሱስ ማጥመቅ የሚለው ምን ማለት ነው?

3. ደዌ እና ህመም የሚለው ቃል ይብራራልን።

4. የድሮ ባህሪያችን ተለውጦ በድሮ ባህሪያችን የሚያውቁን ሰዎች ፊት እንዴት ነው ወንጌል ለመመስከር የምንችለው?

5. ህይወታችን ተቀይሮ እመለክታችን ላይለወጥ ይችላል? ወደ እዚህስ እንዴት ነው የምንመጣው?

ሰው ይብዛም ይነስ የኔ የሚለው የሚቆጥረው የሚኮራበት ልቡንም የሚጥልበት ደግሞም የሚመካበት ነገር አለው:: እውቀት ሀብትና ውበት እንዲሁም ዘመድ የቅርብ የምንለው ሰው ወዘተ... በአንድም በሌላ ሰው ከሚመካባቸው ጥቂቶቹ ናቸው:: እነዚህ ሁሉ ግን እንድ ቀን የሚክዱን ደግሞም ተስፋ የማይደረግባቸው ይሆናሉ:: በጊዜውም አለጊዜውም የማየከዳና የማያሳፍር ፅኑ መመኪያ ግን እርሱ ጌታ እግዚአብሔር ብቻ ነው::

እግዚአብሔርን በተመካንበት በዛ ሰላም ይኖረናል:: ተስፋችንም እውን ይሆናል::መፅናናት ሀይልና ብርታትም ይሆንልናል::

የሐዋርያት ሥራ.13:42-52 ክፍል 52

የሐዋርያት ሥራ.13:42-52 ክፍል 53

እግዚአብሄር የጠራን ለድል ስለሆነ በሃጢያት በበደለኛነት ከመኖረ ሊታደገን ለሚጣራን ፈቃደኛ ባለመሆን በቸልታ ስንመላለስ ሀይወታችን እግዚአብሄርን የሚያሳዝን ስለሚሆን ከሃጢያት ሸሽተን ማምለጫ ተዘጋጅቶልናል ይህ ማምለጫ ሮጦ ለሚመጣ ሁሉ መደበቂያ ይሆናል ስለዚሀ የተዘጋጀልንንማምለጫ እንዳናጣው ልንጠነቀቅ ይገባናል፤

የሐዋርያት ሥራ.13:15-41 ክፍል 51

በህይወታችን ቅድሚያ የምንሰጠው ማንኛውም ነገር እርሱ ከፊታችን ያለውን መንገዳችንን ይወሰናል:: ለበረከት ለፈውስና ለመፅናናት ይሆናል:: ወይም ደግሞ ለምሬት ለሀዘን ለሽንፈትና ለውድቀት ይሆናል:: ከነገሮቻችን በፊት እግዚአብሔርን ማስቀደም ፈቃዱንም መጠየቅና የእርሱን መገኘት ወይም አብሮነት ማረጋገጥ በአማኝ ህይወት ውስጥ እጅግ ዋና ነገር ነው:: በዚህ መልዕክት ይህንን በስፋት እንማራለን::

እግዚአብሄርን ማመስገን በፈቃዳችን የሚሰጥ ነገር ቢሆንም እግዚአብሄርን ማመስገን ግን የርሱ በጎ ፈቃድም ጭምር እንደሆነ ማወቅ እንዳለብን ይህ ትምህርት ያሳስባል። በሁሉ ማመስገንን በተለየ መልኩ የምንማርበት መልዕክት ነው። አንዳንድ ስዎች በተለያዩ ችግሮች ውስጥ እያለፍኩ ነው እንዴት አድርጌ ነው እግዚአብሄር የማመሰግነው ብለው ይጠይቃሉ። ነገር ግን በዚህ ትምህርት ውስጥ እንዴት እያለፍንበትን ያሉትን ነገሮች ለክብሩ በምስጋና እየቀረብን ድልን እንደምናገኝ ያስተምረናል።