Essas prontas e pronts, fatg las cofras? Questa giada as porta la Marella sin in viadi – in viadi enavos en il temp. Pli precis enavos en il mund mirveglius dal 16avel tschientaner.

Quel revelescha la «Raetiae alpestris topographica descriptio». Grazia a l'ediziun transcritta e translatada, sa uss ina e mintgin s'approfundar en il mund dal refurmatur engiadinais Durich Chiampell.

Quai è bler main sitg che quai ch'i tuna a prima vista: Igl è in mund sgiaglià cun muntanellas, muntognas e draguns, ma er cun Engiadinais valurus, in latin cumplitgà e mungias putgantas.

Noss guid da viadi en quest mund famigliar e tuttina ester è Florian Hitz, l'istoricher ed elavuratur da la nova ediziun – nossa maschina da temp: la descriptio da Chiampell.