Send us a text

•  အမျိုးအစား၁သွေးချိုဆီးချိုမှာ ခန္ဓာကိုယ်တွင်းရှိ ပန်ကရိယလို့ခေါ်တဲ့ မုန့်ချိုအိတ်က အင်ဆူလင်မထုတ်ပေးနိုင်တာပါ။
•  အမျိုးအစား၂သွေးချိုဆီးချိုမှာတော့ မုန့်ချိုအိတ်ကနေ အင်ဆူလင် လုံလုံလောက်လောက်မထုတ်ပေးနိုင်တာ ဒါမှမဟုတ် ခန္ဓာကိုယ်က အင်ဆူလင်ကို ကောင်းကောင်းမသုံးနိုင်တာပါ။
•  အမျိုးအစား၁သွေးချိုဆီးချိုကတော့ မျိုးရိုးလိုက်တတ်ပါတယ်။ အဖေ၊အမေ၊ မောင်နှမတစ်ဦးဦးတွင်ရှိပါက မိမိတွင်လည်းဖြစ်နိုင်ချေရှိပါတယ်။ အသက်အရွယ်မရွေးဖြစ်တတ်သော်လည်း အထူးသဖြင့် အသက်ငယ်ရွယ်စဥ်မှာ အဖြစ်များပါတယ်။
•  အမျိုးအစား၂သွေးချိုဆီးချိုကတော့ ဆီးချိုအကြိုရှိသူများ၊ အဝလွန်သူများ၊ အသက် ၄၅နှစ်အထက်ရှိသူ၊ သွေးချိုဆီးချိုမျိုးရိုးရှိသူ၊ အထိုင်များသူ၊ အသင့်စားအစားအစာများ စားသုံးသူများ ဖြစ်နိုင်ချေများပါတယ်။
• အမျိုးအစား၁‌နဲ့အမျိုးအစား၂ သွေးချိုဆီးချိုရဲ့လက္ခဏာတွေဟာ တော်တော်များများ တူပေမယ့် အမျိုးအစား၁ရဲ့လက္ခဏာတွေက ပိုမိုစောစီးစွာပေါ်တတ်ပါတယ်။ အမျိုးအစား၂သွေးချိုဆီးချိုရဲ့ လက္ခဏာတွေကတော့ အချိန်ကြာမြင့်သည်အထိ မပေါ်လာတတ်ပါဘူး
• အမျိုးအစား၁ကိုတော့ အင်ဆူလင်ပေးခြင်းနဲ့ကုသပြီး အမျိုးအစား၂ကတော့ နေထိုင်စားသောက်ပုံတွေအပေါ်များစွာမူတည်တာကြောင့် ဆေးဝါးအပြင်၊ ကိုယ်လက်လှုပ်ရှားမှု၊ အစားအသောက်စတာတွေနဲ့ ကုသပါတယ်။

Send us a text

၁။ စိတ်ဖိစီးမှုများခြင်း။

၂။ အိပ်ရေးပျက်ခြင်း။

၃။ ဖျားနာခြင်း။

၄။ ဆေးသောက်ချိန်မမှန်ခြင်း။

၅။ caffeine (သို့) ကော်ဖီသောက်ခြင်း။

Send us a text

 ၁။ ကယ်လိုရီနှင့် အဆီပါဝင်မှုများ၍ အဝလွန်ခြင်းကို အားပေးခြင်း
 ၂။ သွေးတွင်းသကြားပမာဏ (blood glucose) ကို လျင်မြန်စွာတက်စေခြင်း
 ၃။ သွေးတိုးရောဂါ၊ အရိုးပွရောဂါများဖြစ်နိုင်ချေ မြင့်မားခြင်း
 ၄။ သွေးတွင်းမကောင်းတဲ့အဆီဓာတ်များတက်စေခြင်း

Send us a text

ဆီးချိုသွေးချို ခံစားနေရသူများသည် သွေးတွင်း အချိုဓာတ် ကျခြင်းကို ပုံမှန်အားဖြင့် တွေ့ရှိရတတ်ပါတယ်။

ရင်တုန်ခြင်း၊ ခေါင်းမူးခြင်း၊ ဂနာမငြိမ် ဖြစ်ခြင်း၊ ချွေးပြန်ခြင်း၊ မူးလဲခြင်း များ ခံစားရနိုင်ပါတယ်။ အချိုဓာတ်ပြန်လည်ရရှိအောင် သကြားလုံး၊ အချိုရည်အစရှိတဲ့ အစားအစာများကို စားလို့ရပါတယ်။ ကာဗိုဟိုက်ဒရိတ်ကို ၁၅ ဂရမ် ပမာဏ‌လောက်သာ စားသင့်ပါတယ်။
ကြိုတင် သတိပြုမိစေရန်အတွက် သွေးချို ပမာဏကို အိမ်တွင် ပုံ မှန်စစ်ဆေးပါ၊ အစားကို ပုံမှန်စားပါ၊ ဆေးကိုလည်း အချိန်မှန်သောက်ပေးပါ။ အရက်ကို တတ်နိုင်သမျှ ‌ေရှာင်ပါ။  

မကြာခဏ သွေးအချိုဓာတ် ကျနေပါက ဆရာဝန်နှင့် တိုင်ပင်ဆွေးနွေးဖို့ လိုအပ်ပါတယ်။

Send us a text

ဆီးချိုသွေးချိုသမားများအနေနဲ့ သွေးတွင်းအချိုဓါတ် ထိန်းဖို့အတွက် ကာဗိုလ်ဟိုက်ဒြိတ် (carbs) လျှော့ချပြီး ကျန်မာရေးနဲ့ ညီညွတ်တဲ့ စားသောက်မှုပုံစံတွေကို ရွေချယ်စားသုံးခြင်းဟာ အရမ်းအရေးပါတဲ့ ရွေးချယ်မှုတစ်ခုဖြစ်ပါတယ်။ 

Healthy eating လို့ပြောလိုက်ရင် အရင်ဆုံးမျက်လုံးထဲမြင်ယောင်နေတာက ဆန်လုံးညိုပါ။ ဆန်လုံးညို ဟာ ကျန်းမာရေးလိုက်စားတဲ့ စားသောက်မှုကိုရွေးချယ်စားသုံးသူတွေကြားမှာ ရေဗန်းစားနေတာကိုတွေ့ရပါတယ်။ 

ဒီနေ့တော့ ဆန်လုံးညိုရဲ့ အာသာချက်တစ်ချို့ ကို မျှဝေပေးလိုက်ပါတယ်နော်။

ဆန်လုံးညိုဟာ အပြင်အခွံမာကိုသာချွတ်ထားတဲအတွက် ဆန်ဖြူထက် အာဟာရဓါတ်ပိုပြီးပါဝင်တာကိုတွေ့ရပါတယ်။

ဆန်လုံးညိုရဲ့ အားသာချက်တွေကတော့ 

-ဗီတာမင်၊သတ္တုဓါတ် နဲ့ Antioxidants ပိုပြီးပါဝင်ခြင်း

-Magnisium ဓါတ်ပိုပြီးပါဝင်တာကြောင့် နှလုံးကျန်းမာရေးအတွက် အထောက်အကူပြုခြင်း

-သဘာဝအားဖြင့် Gluten-free ဖြစ်တဲ့အတွက် ကျန်းမာရေးနဲ့ ပိုပြီးသင့်တော်ခြင်း

-အမျှင်ဓါတ်ပါဝင်မှုများတဲ့အတွက် ဝိတ်ချနေသူများအတွက် သင့်တော်ခြင်း

-Gycemic index နည်းပြီး အစာကြေပျက်မှုနှုန်းနှေးတဲ့အတွက် သွေးတွင်းအချိုဓါတ် တဟုန်းထိုးမြင့်တက်သွားမှုကို ကာကွယ်ပေးခြင်းနဲ့ အခြား ကျန်းမာရေးအာနိသင်များ.

Send us a text

1. ပထမဦးဆုံး ရေကူးမယ့်သူများ အနေနဲ့ မိမိဆရာဝန်နဲ့ တိုင်ပင်ကာ ခွင့်ပြုချက်ရယူပါ။ အကယ်၍ အင်ဆူလင်ထိုးနေရသူဖြစ်လျှင် ရေကူးခြင်းကြောင့် အင်ဆူလင်ပမာဏ ထိန်းညှိရန် လိုမလို ဆရာဝန်ညွှန်ကြားချက်ကို မေးမြန်းပါ။ 
2. မကြာသေးမီက သွေးတွင်းသကြားဓာတ်ကျဆင်းခြင်း (hypoglycemia) ခံစားထားရလျှင် ရေမကူးသင့်သေးပါ။
3. ရေမကူးခင် သွေးတွင်းသကြားဓာတ် စစ်ဆေးပါ။ ကျဆင်းနေလျှင် ပုံမှန်ပြန်ဖြစ်အောင် ပြုလုပ်ပြီးမှ ကူးသင့်ပါတယ်။
4. ထိခိုက်ဒဏ်ရာရခြင်းမှ ကာကွယ်နိုင်ရန် ရေကူးကန်နားတစ်ဝိုက်လမ်းလျှောက်ရင်လည်း ခြေမချော်စေနိုင်သော ဖိနပ်ကိုရွေးချယ်ဝတ်ဆင်ပါ။ 
5. ရေကူးကန်ထောင့်၊ နံရံများမှ ထိခိုက်ရှနာများ ရခဲ့ခြင်း ရှိမရှိကို ရေကူးပြီးသည်နှင့် ချက်ချင်းစစ်ဆေးပါ။ 
6. သွေးတွင်းသကြားဓာတ်ကျဆင်းခြင်း (hypoglycemia) ဖြစ်လာလျှင် ကုသရန် လိုအပ်သည်များကို ရေကူးကန် အပေါ်ဘက်တွင် အသင့်ထားရှိထားပါ။

Send us a text

1. ကိုယ်နဲ့အတူသောက်မယ့် မိတ်ဆွေသူငယ်ချင်းများကို မိမိမှာ သွေးချိုဆီးချိုရှိကြောင်း အသိပေးထားပါ။
2. စမသောက်ခင်တည်းက သွေးတွင်းသကြားဓာတ် (blood glucose) ကို စစ်ဆေးပါ။
3. အစာမရှိပဲ မသောက်ပါနှင့်။ အစာအိမ်အတွင်း ဘာအစာမှမရှိပဲ အရက်ဘီယာသောက်ပါက သွေးတွင်းသကြားဓာတ်ကျဆင်းနိုင်ချေများပါသည်။
4. မသောက်ခင်တည်းက သောက်နေစဥ် သွေးတွင်းသကြားဓာတ်ကျဆင်းခြင်း (hypoglycaemia)ဖြစ်ခဲ့လျှင် ကုသရန် လိုအပ်သည်များကို ပြင်ဆင်ထားပါ။
5. သောက်ပြီး အိပ်မပျော်ခင်လည်း သွေးတွင်းသကြားဓာတ် (blood glucose) ထပ်မံစစ်ဆေးပါ။ အကယ်၍ ကျဆင်းနေလျှင် ပုံမှန်ပြန်ဖြစ်အောင် ကုသပြီးမှ အိပ်ပါ။
6. အရက်ဘီယာသောက်ပြီးချိန်နှင့် နောက်ရက်အထိ ရေများများသောက်ပါ။

• သွေးချိုဆီးချိုရှိသူဖြစ်စေ မရှိသူဖြစ်စေ တစ်ပတ်လျှင် ၁၄ယူနစ် သောက်သုံးနိုင်ပါတယ်။
• vodka (25ml) ကို ၁ယူနစ်
• alcohol ၉% ပါဝင်တဲ့ ၁၂၅ml ဝိုင်တစ်ခွက်ကို ၁ယူနစ်လို့ သတ်မှတ်ထားပါတယ်။

Send us a text

၁။ သွေးချိုဆီးချိုတိုင်းတာသည့် စက်ကို ဝယ်ထားပါ။
၂။ သွေးသကြားဓာတ်ကို ပုံမှန်တိုင်းပေးပါ။
၃။ ဆေးကို အချိန်မှန်သောက်ပေးပါ။ 
၄။ အစားအသောက်၊ ဆေးမှတ်တမ်းနှင့် သွေးအဖြေများကို မှတ်တမ်းပြုလုပ်ထားပါ။

Send us a text

အေကာင္းဆံုးမွာ ေရွ႕တြင္ ကြင္းထိုး ေနာက္တြင္ ႀကိဳးသိုင္းေနာက္ပိတ္ပါေသာ ႀကိဳးသိုင္းဖိနပ္မ်ိဳးကို စီးသင့္ပါသည္။ေျခၫွပ္ဖိနပ္ လံုးဝမစီးပါႏွင့္။ ဖိနပ္ကၽြတ္မထြက္လွ်င္ ေနာက္သိုင္းမပါေသာကြင္းထိုးဖိနပ္လဲစီးႏိုင္သည္။ဖိနပ္အတြင္းေျခေထာက္ထည့္လိုက္လွ်င္ ေျခေထာက္မ်ားေကာင္းစြာ ဝင္ၿပီး ေျခေခ်ာင္းမ်ားပူးေနျခင္း ၾကပ္ေနျခင္းမရွိရ ။ ေျခသန္းေျခမမ်ား အျပင္ထြက္မေနပဲ လံုျခံဳေသာဖိနပ္ျဖစ္ရပါမယ္။

Send us a text

Haemochromatosis ဆိုတာကတော့ သွေးထဲမှာ သံဓာတ် (iron) တွေများတဲ့ မွေးရာပါ မျိုးရိုးလိုက်တဲ့ရောဂါတစ်မျိုးပါ။ ဒီအခြေအနေမှာ ခန္ဓာကိုယ်ကစားလိုက်တဲ့ သံဓာတ်တွေကို လိုတာထက်ပိုစုပ်ယူစေပါတယ်။ ပြီးရင် ပိုလျှံတဲ့ သံဓာတ်တွေကို ပန်ကရိယလို့ခေါ်တဲ့ မုန့်ချိုအိတ်လိုနေရာမျိုးမှာ သိမ်းထားပါတယ်။ ကြာလာတဲ့အခါ ပန်ကရိယ ပျက်စီးလာပြီး အင်ဆူလင်ကောင်းစွာမထုတ်နိုင်တော့ပါဘူး။ ဒါကြောင့် haemochromatosis ကြောင့်ဖြစ်တဲ့ နောက်ဆက်တွဲသွေးချိုဆီးချိုဟာ ဆီးချို အမျိုးအစား (၁)နဲ့ သွားတူပါတယ်။ သံဓာတ်တွေခန္ဓာကိုယ်ထဲ အရမ်းများလာတဲ့အခါ လူက ပင်ပန်းနွမ်းနယ်လာပြီး ကိုယ်အလေးချိန်ကျဆင်းလာပါတယ်။ ဒီလက္ခဏာတွေဟာ သွေးချိုဆီးချိုရဲ့ လက္ခဏာတွေနဲ့ဆင်တူတာကြောင့် သွေးချိုဆီးချို နောက်ဆက်တွဲဖြစ်လာရင်တောင် သတိမမူမိပဲဖြစ်တတ်တတ်ပါတယ်။