Send us a text

                                          ငယ်ရွယ်သူများနှင့်ယှဉ်လျှင် ဆီးချိုရှိသည့် သက်ကြီးပိုင်းအတော်များများတွင် အခြားနာတာရှည်ရောဂါ တစ်ခုတော့ အနည်းဆုံးရှိနေတတ်သည်။ နှလုံးသွေးကြောကျဉ်း၊ သွေးတိုး၊ ဒူးနာ အစရှိသည့်ရောဂါများနှင့် ဒွန်တွဲရှိနေတတ်သည်။

                                            သက်ကြီးပိုင်းများအတွက် ယောဂကျင့်စဉ်၊ ရေကူးကန်ထဲတွင် လေ့ကျင့်ခန်းလုပ်ခြင်း၊ စက်ဘီးစီးစက်ပေါ်တွင် စက်ဘီးနင်းခြင်းနှင့် ထိုင်ခုံတွင်လုပ်နိုင်သော လေ့ကျင့်ခန်းများကိုဆရာဝန်နှင့်တိုင်ပင်ပြီး လုပ်ဆောင်နိုင်ပါတယ်။ 

Send us a text

 သွေးချိုဆီးချိုကို ပျောက်ကင်းအောင် ကုသနိုင်တဲ့ဆေး အခုထိ မရှိသေးပါဘူး။ လေ့လာမှုတွေအရ အမျိုးအစား (၂) သွေးချိုဆီးချိုမှာတော့ ကိုယ်အလေးချိန်ထိန်းခြင်းနဲ့ စားသောက်မှုပုံစံပြုပြင်ပြောင်းလဲခြင်းတို့ဖြင့် သောက်ဆေးမလိုပဲ သွေးတွင်းသကြားဓာတ်ကို ပုံမှန်ထိန်းပြီး နေသွားနိုင်သူတွေ ရှိပါတယ်။ သို့သော် အဲတာဟာ ဆီးချို လုံးဝပျောက်သွားပြီလို့ မခေါ်နိုင်ပါဘူး။ အချိန်မရွေး အမျိုးအစား (၂) သွေးချိုဆီးချိုရဲ့ လက္ခဏာတွေ ပြန်လည် ပေါ်ပေါက်လာနိုင်ချေ ရှိပါတယ်။ 
         ဆေးသုတေသနတွေနဲ့ လေ့လာမှုတွေအရ ဆေးသောက်စရာမလိုပဲ သွေးတွင်းဂလူးကိုစ့် ကိုပုံမှန်ထိန်းထားနိုင်တဲ့ နည်းလမ်းတွေကတော့

•  ကယ်လိုရီနည်းသော စားသောက်မှုပုံစံ
•  ကိုယ်လက်လေ့ကျင့်ခန်း
•  အချိန်ပိုင်းခြား အစာဖြတ်ခြင်း (fasting)

 အထက်ပါ နည်းလမ်း၃ခုဟာ သုတေသနတွေမှာ ထိရောက်မှုရှိခဲ့တဲ့ နည်းလမ်းတွေပါ။ ဒါပေမယ့် တစ်ဦးနဲ့တစ်ဦးရောဂါအခြေအနေ မတူတာကြောင့် မိမိဆရာဝန်နဲ့ တိုင်ပင်ပြီး ဆရာဝန်ညွှန်ကြားချက်အတိုင်းသာ လိုက်နာနေထိုင်သင့်ပါတယ်။ 
 သွေးချိုဆီးချို အတွက် တစ်ခါတည်းပျောက်တဲ့ ဆေးရယ်လို့ မရှိတာကိုတော့ သိထားရပါမယ်။ ဖြည့်စွက်ဆေးတွေ၊ ဆရာဝန်ညွှန်ကြားချက်မလိုပဲ အလွယ်တကူဝယ်လို့ရတဲ့ OTC ဆေးတွေ၊ လူနာအချင်းချင်း အကြံပြုကြတဲ့ ဆေးဝါးတွေဟာ အန္တရာယ်များတတ်တာကြောင့် ဆရာဝန်ညွှန်ကြားတဲ့ ဆေးကိုသာ သောက်သုံးသင့်ပါတယ်။ 

Send us a text

အင်ဆူလင်ဆိုတာ ကာဗွန်ဟိုက်ဒရစ် ချေဖျက်ဖို့အတွက်  ပန်ကရိယမှ ထုတ်လွှတ်ပေးတဲ့ ဟော်မုန်းတစ်မျိုး ဖြစ်ပါတယ်။ ခန္တာကိုယ်ထဲကနေ အင်ဆူလင် ကောင်းစွာ မထုတ်လွှတ်နိုင်သောအခါ သို့မဟုတ် အင်ဆူလင် ပြန်လည် အသုံးပြုမည့် ဆဲလ်များ ပျက်စီးသောအခါ ထိုးဆေးအနေဖြင့် သုံးစွဲရတတ်ပါတယ်။ 
မိမိနှင့် သင့်လျော်သည့် ဆရာဝန်ညွှန်ကြားထားသည့် အင်ဆူလင်ထိုးဆေးများကို အသုံးပြုလို့ရပါတယ်။ အဓိက အနေဖြင့် အသုံးပြုရမည့် ဆေးပမာဏနှင့် အသုံးပြုနည်းကို သေချာစွာ သင်ယူမေးမြန်းဖို့ လိုအပ်ပါတယ်။ 

Send us a text

 ဆီးချို သွေးချို ခံစားနေရသူများတွင် ကိုယ်အလေးချိန် ထိန်းသိမ်းမှု ဟာလည်း မိမိကျန်းမာရေးအတွက် အရေးကြီးပါတယ်။ BMI လို့ခေါ်တဲ့ လူတစ်ယောက် ရှိသင့်သည့် စံကိုယ်အလေးချိန်ဟာ တစ်ယောက်နှင့် တစ်ယောက် တူညီမှု မရှိပါ။  ပုံမှန်အားဖြင့် လူတစ်ယောက်ဟာ ၁၈ နှင့် ၂၅ ကြားတွင် ရှိသင့်ပါတယ်။ သို့သော် စံကိုယ်အလေးချိန်ဟာ ၃၀ ကျော်လျှင် အဝလွန် နေသည်ဟု ယေဘုယျအားဖြင့် သတ်မှတ်ကြပါတယ်။ 
 ဤကဲ့သို့ ခန္တာကိုယ် အတွင်း အဆီပို များ စုခြင်းဟာ မိမိ၏ နေထိုင်မှု မမှန်ကန်သောကြောင့် ဖြစ်သည်။ ထို့ကြောင့် ဆီးချို ဖြစ်နိုင်ချေရာခိုင်နှုန်းနည်းအောင် ဆင်ခြင်သတိပြုရမည့် အဓိက အချက်များကို လိုက်နာလုပ်ဆောင်သင့်ပါတယ်။

Send us a text

ဆီးချိုဖြစ်လာနိုင်ခြေကို လျော့နည်းစေမယ့် အလွယ်ကူဆုံး နည်းလမ်း ၆ခုကတော့ –

ရေသောက်ပါ

လှုပ်လှုပ်ရှားရှားနေပါ

စိတ်ဖိစီးမှုကိုလျှော့ပါ 

အိပ်ရေးဝဝအိပ်ပါ

ဆေးလိပ်ဖြတ်ပါ

ဆရာဝန်နဲ့မှန်မှန်ပြပါ 

Send us a text

 အမျိုးအစား(၂) သွေးချိုဆီးချိုရှိသူများနဲ့ သင့်လျော်သော ပင်လယ်စာများ
 ၁။ ဆယ်လ်မွန်ငါး
 ၂။ တူနာငါး
 ၃။ တီလားဗီးယားငါး
 ၄။ ကမာ၊ ယောက်သွား၊ ဂဏန်း၊ ကျောက်ပုဇွန်ကဲ့သို့ အခွံမာပင်လယ်စာများ
 ၅။ ဆာဒင်းငါး (ငါးသေတ္တာငါး)

Send us a text

၁. အားပေးစကားပြောဖို့ မမေ့ပါနဲ့။
၂. ရောဂါအကြောင်း နားလည်ရန် သင်ကိုယ်တိုင် လေ့လာပါ။
၃. ကိုယ်လက်လှုပ်ရှားမှု အတူတကွပြုလုပ်ပါ။
၄. ဆရာဝန်ရက်ချိန်းများကို အတူတကွသွားပါ။
၅. သွေးချိုဆီးချိုရှိသူများ ဖြစ်တတ်သော စိတ်ခံစားချက်များကို လေ့လာထားပါ။
၆. လူနာကိုမိမိ မည်ကဲ့သို့ ကူညီနိုင်မည်ကို မေးမြန်းထားပါ။

Send us a text

အမျိုးအစား ၁ သွေးချိုဆီးချို၊ အမျိုးအစား ၂ သွေးချိုဆီးချို၊ ကိုယ်ဝန်ဆောင် သွေးချိုဆီးချို နှင့် သွေးချိုဆီးချို အကြို ဟူ၍ သွေးချိုဆီးချို ၄မျိုးရှိပါတယ်။ ထိုရောဂါများသည်  အသက်အရွယ် အပိုင်းအခြား၊ ကုသမှုများ၊ ဖြစ်စေနိုင်သော အကြောင်းများ နှင့် ဆိုးကျိုးများ ယေဘုယျအားဖြင့် မတူညီသောကြောင့် မည်သည့်အမျိုးအစား ခံစားရသည်ဆိုတာကို သိရှိဖို့လိုအပ်ပါတယ်။

Send us a text

ဆီးချိုသွေးချိုရှိသူတွေနှင့် မူးဝေတတ်ခြင်း

#သွေးပေါင်ကျလို့ပါ။

ရုတ်တရက်အထိုင်အထတွေမှာသွေးပေါင် မငြိမ်မသက်ဖြစ်သွားတဲ့အတွက်မူးဝေတာ ဖြစ်ပါတယ်။

#ရေဓာတ်ချို့တဲ့လို့ပါ။

ဆီးချိုသမားတွေမှာသွေးတွင်းအချိုဓာတ်များတဲ့အတွက်အလိုလိုနေရင်း ရေဓာတ် ခမ်းခြောက်တတ်ပါတယ်။ရေဓာတ်ခမ်းခြောက်တာကိုဦး နှောက်က ပြုပြင်ဖို့ကြိုးစားရင်းနဲ့မူးဝေလာတာ ဖြစ်ပါတယ်။ဆီးချို ထိုးကျတဲ့အခါလည်း

မူးတတ်ပါတယ်။

လူက မျက်လုံးဝေဝါးတာ၊ရင်တွေတုန်တာ၊ချွေးစေးပြန်တာတွေပါတွဲဖက်ခံစားရတတ်ပါတယ်။

ဆေးတွေရဲ့ဘေးထွက်ဆိုးကျိုး၊တချို့သောဆေးဝါးတွေဟာလူကို မူးနောက်နောက်ဖြစ်စေပါတယ်။

Send us a text

ဥပုသ်သီလဆောက်တည်မည်ဆိုလျှင် ဆီးချိုဆရာဝန်ကြီးများထံမှ အကြံပြုချက်ရယူကာ ညွှန်ကြားချက်အတိုင်း လိုက်နာနေထိုင်ရမည့်သူများ

• ၃လတစ်ကြိမ် စစ်ဆေးလေ့ရှိသော HbA1C အဖြေအရ သွေးချိုမထိန်းနိုင်သူများ
• နေ့စဥ် ဖောက်စစ်သော သွေးတွင်းသကြားဓာတ်အဖြေများ မြင့်တက်သူများ
• အင်ဆူလင်ထိုးနေရသူ
• သက်ကြီးရွယ်အိုများ
• သွေးတိုး၊ နှလုံး၊ အစာအိမ်ရောဂါများ ပူးတွဲခံစားနေရသူများ
• သွေးချိုကျဆင်းခြင်း (hypoglycemia)မကြာခဏခံစားရသူများ