weder übel no hart

Ihr Liebe

Hüt rede mr über die heilendi Wirkig vo Toast mit Aprikosegunfi und Gschwüschterteliebi, wenns eim miteme Magedarminfekt ins Bett haut. Nur so und zwei Dafalgan im System hetts d Lara denn doch no uf dr Flug gschafft und cha usführlich vo de Ferie in Kroatie brichte. Allgemein fühle mr grad d Feriestimmig und lönd eus gern au chli drvo mitrisse. So schnell isch dr Summer jo denn au wieder verbi. Aber for now wird witerhin softly unhinged gügelet, Kruh gesse und Rummikub gspielt.

Mir wünsche au euch e wunderbare Summer, e stabile Stuehlgang und guets Abschalte.

"weder übel no hart" uf IG:
@annauebelhart; @larauebelhart

Wie fühlts sich eigentlich ah, wenn me s erscht moll e Medikament gege ADHS nimmt? Das isch d Lara grad am usefinde und verzellt in dere Episode vo ihrne Erfahrige, de (Nebe)Wirkige und wieso dr Prozess, so e Medi verschribe z becho, alles andere als eifach gsi isch.

Süscht hei mir wiedermoll eusi Kategorie "Dankbarkeit vo dr Wuche" uflebe lo und usserdem e paar Empfehlige für euch gsammlet:

The Handmaid's Tale  (Netflix)
Alone Together (Play SRF)
Bellies
House of Dragon (Prime)
Half Man (HBO Max)

Enjooooy <3

"weder übel no hart" uf IG:
@annauebelhart; @larauebelhart

Hallo ihr Liebe

Hüt roaste mir Gemischtes Hack (aber nur bitz) und si im gliche Zug selbstreflektiert über eusi eigeni Podcast Leischtig. Usserdem verliere mr no paar Wort über d Hitz und probiere konstruktivi Tipps zu Sport in dene Umständ z geh. Do realisiere mr au wieder moll: Chrafttraining rules. Open-Air zu Bunt. tanze übrigens au. Mir verzelle euch nämlich hüt vo dem Fiebertraumkonzert, wo viel meh Traum als Fieber glieferet hett. Drbi ischs sogar fascht ins Wasser gheit. Am Schluss isch nur e überambitionierte Dude ins Wasser gheit. Literally. Wie mr feschtstelle, dörfe Männer Chindschöpf si. Chönne mr das bitte uf alli Genders uswite? Mir hei nämlich am Open-Air drei Moshpits mitgnoh, um euses innere Chind z befriedige, was eus drzue bewegt hett, no chli über das Phänomen z philosophiere. Laras Handy isch bi dem Gspröch fascht explodiert, aber alles für euch <3 Enjoy! 

BUNT. uf Insta: @buntmusic

Podcast Zwischen Kotti und Kapiteln

"weder übel no hart" uf IG:
@annauebelhart; @larauebelhart

Hüt rede mir über Hoor oder eher dr Mangel drvo und was das mit Krise ztue hett. Drzwüsche kriegeter au paar Empfehlige, wo grad wenn me nid so uf dr Höchi isch, wie Balsam fürd Seele sind. Und denne heimer eus in dr zweite Hälfti vo dere Episode d Serie "Off Campus" vorknöpft. Do simmer denn hoorscharf anere Zwillingskrise vrbigschlitteret, will e Serie, wo für beidi wie Doseravioli performt hett, doch einiges an Diskussionsmaterial bietet. Aber kei Sorg: die hottischti Szene in Off Campus, wo GUETE Hetero-Sex zeigt, hett eus wieder in eusere Meinig vereint.

Empfehlige us dr Folg:

- Serie: Off Campus uf Prime

- Serie: Four Season (S2) uf Netflix

- Musik: Official Soundtrack Playlist vo "Off Campus" 

- Buech: Lázár vom Nelio Biedermann

- Film: Bohemian Rhapsody (Biopic vom Freddie und Queen)

"weder übel no hart" uf IG:
@annauebelhart; @larauebelhart

Ciao ragazzi <3

Mir hei eus in de vergangene Wuche die letscht Staffle vo Euphoria inezoge und s isch nid ganz eifach gsi. Mir heis für eus, aber vor allem au für euch gmacht. Denn was die Serie definitiv lieferet, isch e Mengi an Gspröchsstoff. Und ihr wüsset, mir liebe das jo, denn so richtig drizgoh. Aber nid nur die öffentlichi Meinig isch gspalte; au mir si eus nid einig in der Bewertig vo Euphoria. S goht aber nid nur um die kontroversischti Serie vo 2026 in dere Folg, sondern au um Scham im Gym, wo d Anna ganz spontan d Lara therapiert. Danke an dere Stell, was needed. Und e churze Rückblick uf die nackte Chnüü anere sizilianische Hochzit hemmer au no mitbrocht. So slutty bini nämlich scho lang nüm unterwegs gsi.

"weder übel no hart" uf IG:
@annauebelhart; @larauebelhart

Liebi Hörendi

Wennder euch vo dem Titel nid lönd lo abschrecke, denn werdet ihr riich belohnt werde. Ihr heit eus nämlich für die Episode ganz unterschiedlichi und interessanti Froge gstellt; mir hei sie mit Freud beantwortet und drbi kei Blatt vors Muul gnoh. Ganz nach eusem Summermotto 2026. Vo unerklärliche Crushes über juicy Teigwaresalat bis zum Zelebriere vo fotzige Wörter. Mir liefere d Heat füre knackigi Summerfolg. Gebet gern euche Senf ab und lönd eus nid ellei mit em softly unhinged si.

Lyyy<3

"weder übel no hart" uf IG:
@annauebelhart; @larauebelhart

Hallo liebi Hörendi
Puuuh, mir hei nach dere Wuche so fescht s Bedürfnis nachere Yapping Episode mit dezentem Oversharing gha und genau das isch es worde. Vo überbewertetem Penis-Vagina-Sex, über herzigi, unerwarteti Gschenkli bim Schaffe, Masturbation gege Albträum, bis zu fiktionale Männer, wo vo Fraue gschribe worde si und die echte Männer in Schatte stelle; mir hei für euch abgliferet. Gspickt mit viele geile Empfehlige und Hot Takes isch die Folg locker aber köstlich intensiv und genau de Spice, wome amene entspannte Sunntig brucht.
Viel Spass bim Lose!

"weder übel no hart" uf IG:
@annauebelhart; @larauebelhart

Empfehlige:
SERIE:
•⁠  ⁠„Half Man“ uf HBO Max
•⁠  ⁠„Off Campus“ uf Prime
•⁠  ⁠„Heated Rivalry“ uf HBO Max

BOOKS:
•⁠  ⁠„Weisser Sommer“ - Eva Pramschüfer
•⁠  ⁠„Table for One“ - Emma Gannon

ABSTIMMUNG: Buchhandlung FORUM Liestal (https://forumbuch.ch/) als Buchhandlung des Jahres 2026!! Support local and lovely Bookshops.

And a little Nugget: HILFSMITTEL GEGE ALBTRÄUM <3

Liebi Lüt

Mir rede hüt über DAS Thema, wo eus momentan grad gfühlt überall begegnet: Hochzite! Es isch Früehlig und alli Liebeshungrige chrieche hervor und binde sich vor versammelter Gsellschaft fürs Lebe. Das wird nid nur im persönliche Umfeld spürbar, sondern au popkulturell sit eh und je usgschlachtet. Weddings si zwar e zimli zitloses Phänomen, aber WIE mir mit dem kulturelle Ritual umgönge, seit sehr viel über eus und d Welt, in dere mir aktuell Lebe, us. Und will so viel verschiedeni Aspekt drzue ghöre, bietets au enorm viel Stoff zum Bespreche. Vo dr Brutpaarmode (mir si stark prägt vo "Zwischen Tüll und Tränen") über patriarchali Traditione (dr Vater übergibt sini Zuchtstute an neue Bsitzer) bis zu dr beschte Szene in dr Twilight-Trilogie; mir biete euch e bunte Brutstruss, wo dir gern dörfet fange.

"weder übel no hart" uf IG:

@annauebelhart; @larauebelhart

Hallo liebi Hörendi

Es isch Zit für e paar Job-Updates, denn mir hei beidi dr erschti Monet im neue Job hinter eus und chönne scho moll bitz reflektiere, was sich veränderet hett und wie mir das so finde. Mir hei beidi dringend brueflich früsche Wind brucht. D Frog isch nur: Ischs e agnehmi Bise oder e durerüttelnde Tornado? E neue Job afoh isch jedefalls für eus (und wahrschinli auf für die meischte vo euch) e riese stress und d Afangszit dementsprechend chli rough. Umso passender also, dass mir in dere Folg ine Filmbesprechig vomene Film inegange si, wo eus ähnlich fescht Hops gnoh hett.

 "The Drama", vom Filmemacher Kristoffer Borgli (bitte lueget euch moll e Foti vo ihm ah, you are very welccome), isch zurzit im Kino, nachdem e usklügelti Press Tour eus scho sit Monate geil uf de Film gmacht hett. Und was sölle mr sege: Dr Name isch Programm und s isch definitiv es Kinoerlebnis, wo me nid so schnell vergisst. Drum heimer au mit EUCH drüber welle rede. Bis Minute 57:00 simmer inhaltlich spoilerfrei unterwegs, nocher werde d Charte ufe Tisch glegt. 

Was isch euri Meinig zu "The Drama"? Lönds eus wüsse!

Wennder usserdem euri beschte Wedding Storys (au anonym möglich) weit teile, do findet ihr eus uf Instagram:

@annauebelhart; @larauebelhart

Ihr Liebe <3

Hüt rede mir aber wirklich s letschte moll für e laaangi zit über s Thema "Umzug" (we promise). Das Kapitel isch nämlich endlich abgschlosse und d Anna offiziell e BBB - Bad Basel Bitch. Welcome to the Club! Ca. 7 Johr hett eus e zweistündigi Zugfahrt trennt; jetzt sis no 10 Min. Fuessmarsch. Wie mr mit eusere Sorg, dass mr spötischtens jetzt weirdi Twins werde, umgönge, hemmer alässlich dere Nöchi au no schnell welle aspreche. Sone Umzugsprozess bringt viel Ballascht ufe, wo me cha abwerfe, wenn me will; oder me entscheidet sich, dass de im Podcast teilt wird. Drum hett d Anna eus ganz spontan e Iblick in es Produkt us ihrer Vergangeheit geh: ihres alte Tagebuech vo 2009. Und mir hei denn no e Schlenker ine chli es darkers Thema gmacht, wo mir eusi Gedanke zu Trauma und Mental Illness Porn teilt hei.

Lönd eus gern eures Feedback, bitz Liebi, konstruktivi Kritik und neugierigi Nochfroge do. UND GOOD WEDDING STORIES!!!!

do findet ihr eus uf Instagram:

@annauebelhart; @larauebelhart