紲頂集，「定型心態」若傷普遍，抑是符合tsit款心態ê文化占贏，人人過頭興褒食褒，就對社會ê理性發展真不利。「冒牌者症候群」診斷、「誇誇團」佮tse mā lóng有關係。

人若有「成長心態」，是按怎比保持「定型心態」較會成功？Tsit集簡介《心態致勝》tsit本冊ê論點，佮作者Carol Dweck所欲回應ê社會背景：偏差過頭ê「自尊運動」。

介紹預測專家Philip Tetlock ê冊"Superforecasting"，並且uì美國掠Venezuela總統Maduro事件，佮台灣舊年ê大罷免，思考咱對「預測」tsit項代誌的心態佮能力。

佇一个社會，各種語言定定會扮演無仝的角色。你講台語的時，敢會感覺「較成家己」？按呢是好抑䆀？或者是講，語言分工，啥物狀況有好？啥物情形就無好？台語歌敢一定愛「成」台語歌？

關係語言的足「發散」的漫談......。人敢親像彼本冊的（中文版）冊名講的，《換了語言，就換了腦袋》？

『斯卡羅』用多語來表現150外年前台灣島上南爿的人文光景。啊若影劇搬演現代都市少年人的生活，敢是著配合華語獨大的既成現實，才叫做自然？實際上，這款「自然」，是長期用無自然的手段來造成，華語影劇一直攏咧插一跤。

電影抑電視劇內底，啥物人講啥物語言，現在咱感覺正常，其實佇台灣這是一條行毋但半世紀的路，而且原因毋但是「國語運動」，是大眾對影劇的期待、想像，今昔根本無仝。總是，今咱的語言寫實意識已經啟蒙，欲閣轉去「聽有就好」的狀況，就較難矣。

接紲頂擺的「綠底白線殕點」旗仔話題，這集講著若是愛有一面會當代表台灣的旗仔，伊敢著包含一寡共識，抑是價值？若是需要，彼是啥？

無人想會到，一場羽毛球賽的一幅電腦影像，煞雄雄成做全台灣上熱的圖，甚至討論到「新國旗」的層次，是滾耍笑抑是凡勢凡勢？欲按怎理解這種氣勢？閣會當牽到紐約帝國大廈觀景台去？幾年前New Zealand公投換國旗無成的經驗，有啥物啟示？聽看覓！

台灣這幾年真時行嘆怨專業無受重視、價數䆀，這款的不滿，和「專業之死」這本冊提出的批判，雖然攏以「專業」之名，敢若無啥仝款。青年低薪是前者的背景之一，毋過「專業」這个概念敢會有時予人膨風過頭咧？