這集閒乘佮小美繼續分享一寡對觀光遊覽這件代誌ê體驗佮想法。若是講古早去一个所在遊覽，是欲去看當地本底特別ê景致，如今煞若像地方特色ê創造發明比保留加較要緊。閒乘認為，一个所在上有才調保持、袂予別位複製ê特色，是語言，你有同意無？

台東多良車站開始收清潔費囉！若講觀光改變當地風貌，你有參一跤無？請聽阮……先改正：華語講ê『小米』，台語教典是寫「黍仔 (sé-á)」佮「秮仔(tai-á)」（按怎幼分阮mā無查著），阮失覺察照唸sió-bí，一下開場重點詞就講毋著，真歹勢。若硬欲拗，是講張小美實際mā無叫做張小美啦。

這集繼續開講《演算法的一百道陰影》這本冊相關ê議題。演算法走大資料呈現出來ê社會，敢會加強現有ê歧視？敢有法度是平等--ê？

這集佮下一集來開講《演算法的一百道陰影》這本冊ê主題，也就是社交媒體佮搜揣ia̋n-jín等等新科技對咱ê生活ê影響，你感覺tsia-ê物件到底是利便抑威脅較濟？

閒乘佮小美繼續談「失控的正向思考（佮負向思考）」，你毋捌想過的角度。就業情勢無好，到底是會促進正向抑負向思考？喙講厭世敢就是無愛拍拚？叫人愛加油煞是一種無同理心的行為？

《失控的正向思考》這本冊予足濟人有共感，華文版今年閣出新版矣。確實，你若一直聽人講愛正面、愛光明，久來嘛會煩，這馬若像顛倒是「厭世」較時行。講倒轉來，新年2021欲到矣，總是嘛愛互相祝新年如意，這款正面思考煞毋免？

小美讀高中的時定定透暝拍電動仔，拍甲上課盹龜，嘛是無怨無悔......閒乘佇捷運頂看邊仔的人攏咧耍『手遊』，煞感覺家己是『魯蛇』......有的電動仔已經進入藝術的境界矣......是怎樣咧？

小美真愛拍電動，閒乘無咧拍，兩人對這个物件，抑是講相關ê社會現象，看法有略仔無仝。閒乘印象上深ê電動仔，聽講xx歲以下ê人攏毋知矣，你若拍過會當莫承認.......。

並毋是會予人「袂爽快」ê笑詼就袂當講。來冤家啊！

笑詼敢有共通ê結構抑是元素？有科學家研究出一寡道理喔。你ê經驗佮看法咧？