明明覺得劇情好荒謬狗血，但點解總係不自覺一集集追住嚟睇？今次一於請嚟藝術家 #黃嘉瀛 KY同Nico一齊分析吓短劇、微視頻嘅上癮公式！霸道總裁愛上清潔姨姨嘅故事，其實係填補觀眾嘅乜嘢幻想？全AI生成嘅短劇，居然變cult片？今晚11點，香港文學生活館YouTube Channel見～

今集繼續有《#填詞L》導演 #黃綺琳 同小樺帶嚟不同年代嘅Moody性感歌單，探索廣東歌令人想入非非嘅地帶～到底要戴上乜嘢濾鏡，就可以體會到鄭秀文〈發熱發亮〉呢首快歌嘅性感？〈漩渦〉同〈罅隙〉爭奪性感歌巔峰背後，其實有個「民間傳說」？聽完麥浚龍〈初開〉，就會知點解兩位話今集係獻畀填詞人周耀輝？今晚11點！香港文學生活館YouTube Channel見～

今集在線等同大家發掘吓廣東歌少少鹹，又多多趣嘅面向，請嚟《#填詞L》導演 #黃綺琳 同小樺一齊（以學術嘅態度）大談「鹹濕歌」！尹光嘅《荷里活有間大酒店》其實係先鋒派？黃耀明《春光乍洩》如何透露異樣性感？由陳詠謙填詞嘅《壯舉》點解令兩位主持聽到哇哇聲？今晚11點～記得準時收睇節目！

女人五十，文學形象係咪只能同「母親」畫上等號？今集繼續請嚟念欣老師、小樺同大家發掘中年女性嘅文學形象光譜到底有幾闊！從《#紅樓夢》最強祖母史太君、 #張愛玲 轉型之作，兩位婦人「家長里短」嘅《相見歡》，再講到 #鍾鈴鈴《#玫瑰念珠》如何直面女性性徵——想知更多？約定你今晚11點收睇節目喇～

女人五十，文學會否令人「頭暈、心煩、潮熱」？今集請嚟黃念欣老師，當然要傾啲同佢散文集《#熱風》一樣咁Hot嘅話題——「更年期」到底係禁忌，抑或解放？文學中，我哋又看唔看得見更年期女性嘅身影？今晚11點！約定你同念欣老師、小樺大談女人五十的文化新熱話！

如果角色命運能選擇——今集繼續有作家周丹楓同Nico一齊暢談 #銀河映像 嘅幾部電影！兩位從莎士比亞，講到 #杜琪峯，到底角色擁有自由意志，係咪一定走向悲劇？#韋家輝《#一個字頭的誕生》、#鄭保瑞《命案》嘅敘事中，「What if？」係如何呈現？ 約定大家今晚11點！虛詞無形YouTube Channel見～

印象中，電影嘅超級英雄總喺危急關頭拯救世界，但有冇一種可能，佢哋守護秩序嘅同時，其實都係另類「建制派」？今集請嚟作者周丹楓同Nico一齊大談英雄電影中嘅正反派！原來美國隊長VS Iron Man，可以睇成抗衡資本嘅象徵？所謂「反派」點解好似總係特別迷人？想知記得今晚11點！約定各位準時收睇節目～

直面家庭禁忌，要等候一個點樣嘅契機？今集繼續請嚟Vivian #譚蕙芸 同小樺一齊講「家庭書寫」！ 《#家鎖》中，到底邊一章係完稿後臨時加入，甚至可以話係Vivian同佢哥哥「冥冥中」嘅安排？ #房慧真《#夜遊》、#向田邦子《#父親的道歉信》、 #村上春樹《#棄貓》，呢三部作品為佢帶嚟點樣嘅啟發？我哋又如何從情感嘅泥沼中轉身自救？今晚11點，虛詞無形YouTube Channel在線等！

「我都係為你好咋」——呢句無形「家鎖」係咪都困擾過你我？今集在線等請到 #譚蕙芸 從佢新書《#家鎖：華人家庭這個巨獸》切入，同 #小樺 一齊講講「家庭書寫」！告別原生家庭遺產嘅第一步，原來係要學會抽離？「愛」同「操控」嘅界線之所以模糊，又係源自什麼？書寫家庭又可否客觀抽離？今晚11點，約定你收睇節目！

今集在線等繼續請嚟 #小樺、#洛楓 同大家解構 #劉鎮偉 電影～ 到底劉鎮偉式懷舊同 #王家衛 電影執著回到原點嘅分野喺邊？所謂「香港記憶」喺兩位嘅作品中，有咩唔同嘅呈現方式？《#大話西遊之仙履奇緣》之所以係悲劇，係因為青春被馴化，抑或轉化命運嘅無奈？而《#花樣年華》、《#東邪西毒》所述說嘅時間遺憾，喺劉鎮偉眼中，其實有冇可能修正？約定你今晚11點～記得收睇節目喇！