獲得2024諾貝爾文學獎的韓江《少年來了》🏆，原來係韓國曾被下架❓今季收爐之作，已讀不回吉祥物小樺為大家導讀呢本「弱者版光州事件」。出身於光州的韓江，童年曾見證「光州事件」，這本書係佢對過去的梳理和重組📖 但呢本書又係點樣成為禁書❓今集同你一齊揭示《少年來了》的背後🖊️

今集月巴氏會同大家分享「他推理的孩子」日本推理小說之神——島田莊司嘅出道作《占星術殺人魔法》✡️ 充滿濃厚獵奇味道嘅推理、一場公平的競爭、作者留比讀者嘅挑戰😈 原來金田一「異人館村殺人事件」係來自島田莊司？今集同你一齊聽月巴氏嘅好友推介，成為島田莊司迷‼️

今集！由月巴氏用Calvin嘅故事，同各位講村上春樹首部作品《聽風的歌》！🌬️ 本來鍾意金庸，心在桃花島嘅Calvin，自從睇左《聽風的歌》就迷上左村上春樹🌸 究竟係點嘅一本書，令Calvin放低想寫武俠小說嘅心呢？✏️ 今次同你一齊睇少年嘅故事📚🎓

係戰爭嘅影響下，流亡嘅小朋友係點長大？雅歌塔·克里斯多夫（Ágota Kristóf）《惡童》三部曲，以戰爭為背景，講述一對雙胞胎兄弟克勞斯（Claus）和路卡斯（Lucas）的故事。佢哋一齊長大，卻要分開獨自承受孤獨。戰爭對家庭的摧殘、人際關係的影響、人在絕望中嘅無奈⋯⋯今集一齊聽戰爭下嘅成長日記📓👬🖊️

為左係災難中活下去，你會選擇求生而拋棄尊嚴，還是保持基本嘅尊嚴？今次麥曦茵導演會分享對佢影響好深嘅小說——喬賽．薩拉馬戈（José Saramago）《盲目》。身處荒謬中，該如何堅守為人嘅信念？今集一齊聽下呢場突然襲來嘅「白症」🌫️⚪️◻️⬜️

情緒是與生俱來，還是通過文化習得？驚訝😮、厭惡😒、妒忌㊙️，呢啲情緒其實係「有用」㗎！新一季已讀不回Book Channel返嚟啦！第一集有已讀不回吉祥物小樺同大家了解《情緒》，調節心情！

今季最後一集「課文在線等」卓然同大家講魏禧《大鐵椎傳》！魏禧同張岱一樣都係明朝嘅遺民，佢哋都係討論明、清之際士大夫嘅例子。原來歷史上「你有張良計，我有過牆梯」嘅張良曾嘗試用鐵椎刺殺秦始皇？唔講野，食好多，樣衰，冇咩禮貌，拿著兩個大鐵椎，究竟係咩人物？佢嘅形象影響左「吞食天地」同「格鬥天王’97」嘅角色？今集我地一齊聽古時嘅英雄故事✨

明朝豐盛嘅物質文化令張岱唔止識玩仲玩得精，呢位playboy玩嘅野會成為文人嘅話題，所製嘅「蘭雪茶」仲搞到佛寺逼爆晒！而《西湖七月半》原來同當代嘅旅遊現象有相似之處？話睇月亮，實質冇人真係睇緊月亮？究竟西湖有邊五類人？張岱嘅故事又係點？今集一齊聽明代最強playboy嘅世界✨

「六國破滅，非兵不利，戰不善，弊在賂秦。」《六國論》背後暗藏反談判嘅價值觀？對應第二集《廉頗藺相如列傳》，其實冇一個國家有賂秦，最多只係講和。睇番蘇洵嘅成名之路，原來「三蘇」（蘇洵、蘇軾、蘇轍）當中只有蘇洵冇考科舉？到底點解卓然會稱《六國論》為最有問題嘅課文之一呢？今集一齊睇大宋KOL嘅擦邊潮文✨

「然後知是山之特立，不與培塿為類。」認為自己與眾不同嘅柳宗元，到底係一個點嘅人？作為知識分子嘅佢，寫過一篇文《愚溪詩序》，當中「愚」字出現左二十幾次，點解會不斷提自己「愚」呢？除左寫風景，仲有寫不甘！今集一齊聽下呢個「山系人」嘅出走遊記！