香港文學館

當年 #董啟章 話不再出實體書、不再出席活動的時候，你有無心碎？放心，董生已在《藝文在線等》震撼「復出」，仲帶埋新書《物種源始．貝貝重生：消失的可能世界》重返大家視野！最震撼嘅係，今次佢仲大膽玩埋 AI 寫作，書中竟然有三萬幾字係由 AI 續寫。當文學巨擘親自落場玩 AI，到底佢點睇「AI 創作」對文學界嘅衝擊？董啟章點樣令AI可以符合佢的標準？即刻點擊觀看，聽董生細說 AI 永遠取代唔到人類的地方！

今季已讀不回Book Channel最後一集！有 #小樺 分享「牛津非常短講」系列——《痛》（Pain: A Very Short Introduction）！我哋可能都經常聽到「痛」、感受到「痛」，但到底佢係一種客觀現象，抑或一種主觀意識？面對痛楚，我哋除咗食藥止痛，其實仲可以嘗試理解？性別嘅刻板形象，又點樣規範我哋無法將痛說出口？若問世界誰無傷，會令昨天今天也閃亮～今晚11點！Book Channel見！

今集Book Channel繼續有浸大歷史系副教授譚家齊分享佢嘅歷史心水選書——《天朝的崩潰：鴉片戰爭再研究》！作者茅海建帶讀者從一個試圖擺脫正邪史觀嘅角度，分析鴉片戰爭呢場喺近代史上非常重要嘅戰役！林則徐虎門銷煙，必然是正義的化身？清朝嘅戰敗，係用人不當，定係個制壞咗？今晚11點！已讀不回見～

今集邀請到浸大歷史系副教授譚家齊分享堪稱傳教士明朝生存攻略——由著名史學家 #史景遷 所撰寫嘅《#利瑪竇的記憶宮殿》！等大家一起進入呢座記憶宮殿，看見呢位傳教士越洋過海到明朝中國嘅一連串冒險：遭匪徒施襲、遇上船難、助手過身……在明朝的Lost in Translation，窺探歷史人物嘅掙扎、寂寞同限制。今晚11點，已讀不回Book Channel見～

今集繼續有《香港遺美——香港老店紀錄》作者林曉敏同大家分享佢的香港記憶！翻開《重遇：何弢》，我哋可能再同身處嘅呢座城市再相遇——好多香港人腦海中嘅視覺記憶：維他朱古力奶標誌、地鐵通車郵票、公仔麵經典Logo⋯⋯原來都同何弢呢位建築師有關！究竟建築如何成為敘事的一種？今晚11點，已讀不回Book Channel見～

今集請嚟《香港遺美——香港老店紀錄》作者林曉敏，同大家分享一部堪稱以「法證組」手法記錄香港老舖的作品——《#香港老舖錄》！用雞皮紙包裹、以紅白扭紋紙繩紥起嘅封面，到底我哋買嘅係一本書，抑或一包舊時涼果？回憶的重量真的可以計算？從「陳明記粉麵廠」、「李應記鐘錶」，到已經已停產嘅「盈豐米蒸酒房」，我哋記錄老舖時光嘅同時，又可以留下什麼？今晚11點！已讀不回Book Channel見～

今季Book Channel打頭陣！有小樺分享佢作為香港人，旅居台灣自主（煮）生活之選——《#台灣胃看香港餐桌：五感體驗異鄉食，藏於飲饌踏查裡的思與念》～無論平時有冇入開廚房，可能都未必細分到「烚」同「灼」嘅分別，台灣飲食作家包周正正從語言切入，發掘港台飲食文化嘅不同！香港式體貼，原來就體現在茶餐廳速度？今晚11點～已讀不回Book Channel見～

今季在線等最後一集！繼續請嚟「香港舊照片」版主、《壹街一個故事》系列作者余震宇同小樺大談香港記憶～課本上沒有的香港史，我哋到底認識幾多？土瓜灣邊條街發生過槍戰？修頓球場係各種意義上的「等人」地方？而民間保育歷史，係如何讓地方說話？今晚11點，在線等大家～

今集請嚟「香港舊照片」版主、《壹街一個故事》系列作者余震宇同我哋分享香港街道故事～到底香港嘅街道要如何書寫？每條街道承載嘅記憶，又代表一個點樣的香港？最後震宇帶嚟嘅「香港人街名大測試」，除咗考起小樺，唔知會唔會難到大家呢～今晚11點準時收睇節目，約定你！

今集在線等繼續請嚟陳煒舜教授同小樺大談「中英夾雜」作為一種文學表達手法，可以有咩發揮！原來有一種叫「三及第」嘅體裁係香港獨有？詩人崑南嘅〈旗向 〉中，不同語言嘅夾雜，除咗表示詼諧，仲可以用嚟批判？想知道煒舜同大家分享佢邊首搞笑打油詩🤣🤣記得今晚11點收睇節目！