今集請嚟陳煒舜教授同小樺一齊傾吓「中英夾雜」呢個topic～（馬上示範）到底語言係咪一定要講求「純正」？但其實好多我哋日常用字都係外來語？外來語除咗作為一種歷史嘅見證，同時凸顯咗語言嘅乜嘢特質？今晚11點～在線等各位！

今集在線等繼續有學者朱少璋同小樺大談南海十三郎！舞台劇《南海十三郎》中，十三叔同「阿唐」喺利舞臺前嘅陰差陽錯，固然牽動觀眾嘅情緒，而現實中嘅十三叔同唐滌生嘅關係到底係點？粵劇編劇嘅師徒關係點解咁「模糊」？粵劇嘅一字一句中，又如何保留廣東話時代特性？今晚11點！在線等你喇～

講起南海十三郎，大家對佢嘅最初印象，會唔會都係嚟自杜國威所編嘅舞台劇《南海十三郎》？今集請嚟學者朱少璋同小樺一齊大談呢位傳奇編劇！舞台劇、電影之外，真實嘅十三叔，到底係點？從佢嘅自述中，原來可以發現呢位狂放天才，同時都係個社交I人？而佢嘅經歷又映照咗香港一段點樣嘅歷史？星期三晚11點！記得藝文在線等～

繼上集講完失望作家，今集偉棠同小樺繼續激情討論！諾貝爾文學獎備受矚目，雖然堪稱「死亡之吻」，但都被視為一種「榮譽」，不過當馬奎斯得知自己獲獎，第一反應居然係：大鑊了？佢領獎嘅過程究竟有幾「魔幻」？而係邊兩位作家拒絕獎項？佢哋背後有咩考量？記得留意今晚在線等！

繼上季講文學追星，今集在線等請嚟詩人 #廖偉棠 同 #小樺 傾啲辛辣話題——作家點解會令人失望？寫出《杜伊諾哀歌》嘅詩人里爾克，令身為Fans嘅偉棠感到「幻滅」嘅時刻係？海德格對納粹德國嘅「同情」，又惹來點樣複雜嘅情感？到底係咪每位作家心中都有個「魔鬼」？想知記得今晚11點，準時收睇節目喇～

校園欺凌事件中，真正擁有「原罪」嘅係邊個？繼上集講《#葬送的芙莉蓮》，今集繼續請嚟再構造劇場藝術總監 #甄拔濤 同Nico大談另一套作品——《#章魚嗶的原罪》！劇情中，點解要「受害者」與「加害者」視角並存？作品中面容模糊嘅大人，其實象徵啲咩？記住今晚11點！約定你藝文在線等～

今集請到劇作家 #甄拔濤 同Nico一齊解讀《#葬送的芙莉蓮》呢趟追溯記憶嘅旅程！原來人物嘅名字好多都源自德文，「芙莉蓮」同「欣梅爾」嘅含義分別對應佢哋嘅性格？偏愛日常，甚至九唔搭八嘅魔法，其實象徵追求知識嘅自由？對於時間，故事又敘述一種點樣嘅情感？約定大家今晚11點準時收睇節目！

上集講完串流劇女主角要夠「惡」，今集繼續有傳媒學者 #閭丘露薇 同小樺分享佢哋嘅片單～其實串流劇仲捕捉咗女性嘅乜嘢面向？退休女性遠遠不只是「愛·回家」？日劇《孤獨死又怎樣》描述一個點樣嘅生活觀？今晚11點！記得收睇節目喇！

自從多咗串流平台，大家煲劇，仲會唔會個個禮拜坐定定喺電視機前面等新一集？今集等請嚟兩位煲劇專家——傳媒學者 #閭丘露薇 同小樺一齊暢談串流平台誕生後嘅電視劇！不同歐美串流劇中，女性形象係如何被塑造？「惡女」是否成為電視劇主流？喺The Moring Show（《晨早直播室》）、The Good Fight（《傲骨之戰》）中，女性展現「野心」係毋需被指指點點？想知就記得今晚11點！約定你準時收睇節目～

成日笑言港產片變成鏗鏘集劇場版，但表達人文關懷，係咪就逃不過被貼上「左膠」標籤？今集在線等繼續搵嚟藝術家 #黃嘉瀛 KY同Nico一齊大談電影～荷里活式「政治正確」，會唔會到頭來係最剝削？真人版《小魚仙》、《白雪公主》劣品評如潮，真係純粹選角問題咁簡單？《Anora》奪得奧斯卡最佳電影，導演Sean Baker面對質疑，又分享咗咩諗法？想知記得今晚11點！約定你準時收睇節目～