每一代人都有唔同嘅兒童節目陪伴佢哋成長，今集繼續有黃文意Mandy、馬俊傑Linus同各位大談電視節目背後嘅文化符號！究竟兒童節目係點樣塑造兒童觀眾嘅價值觀？成為兒童節目主持又會有咩限制？今晚11點！約定你！

藝人喺電視台工作，為咗娛樂觀眾，係咪真係要埋沒自我？今集請嚟黃文意Mandy同馬俊傑Linus大談電視生態！《#娛樂至死》（Amusing Ourselves to Death）呢本經典，時至今日，是否繼續應驗？今晚11點～虛詞無形YouTube Channel約定你！

繼上集海明威（漁夫之寶），念欣老師繼續向小樺、觀眾展示文學濾鏡嘅力量，（主觀）評比民國男作家顏值！魯迅除咗係時代尖端，更可能係時尚尖端，仲會教埋蕭紅點樣襯衫？遇上「危險動物」徐志摩，要點樣先避免誤終生？約定你今晚11點！同兩位一齊欣賞美！

今集請嚟念欣老師同小樺大談文學Guilty Pleasure——男作家顏值（主觀）評比！莎士比亞嘅金色耳圈（以及髮線）如何得到念欣老師嘅垂青？點解話客觀美男做作家會有啲遺憾？但學王爾德話齋——「只有膚淺的人才不會以貌取人」，等今集我哋一齊膚淺又深刻！今晚11點，虛詞無形YouTube Channel 約定你！

點解話創作係療傷嘅一種？到底導演莎樂韋絲（Charlotte Wells）係如何透過電影《日麗》（After Sun）面對自己嘅遺憾？《醉美的一課》（Another Round）嘅跳舞場面，同齊克果所講嘅「信仰之躍」又有咩關聯？今晚11點！約定你同Nico、小樺詳談療傷電影片單～

今集繼續同Nico、小樺（AKA電影片單失控嘉賓）大談電影！到底時間係咪真係可以療癒一切？《#情繫海邊之城》（Manchester by the Sea）或者就帶到啲啟示！《Drive My Car》中，人物失語嘅狀態，又顯示咗創傷同語言之間嘅乜嘢關聯？今晚11點～約定你！

當代斜槓族要做博學者，原來最緊要專注？進入心流（Mental Flow）到底係一個點嘅狀態？係咪就好似《填詞L》嘅羅穎詩咁，睇咩都係0243？今晚11點！約定大家同 #小樺 、Mandy一齊睇吓Slasher如何自由同時專注！

「邊一個發明了返工～」（今集可能係最適合返住工嚟聽嘅一集XD）Slasher年代令Freelancer（自由工作者）失去潮流地位？Slasher周身刀，又係咪可以張張利？原來香港都有電影《柏德遜》一般嘅巴士詩人？今晚11點！約定你同 #小樺、Mandy一齊暢談Slasher呢個社會現象！

一棵世紀牆頭草到底是怎樣煉成的？今集繼續同 #卓然、#小樺 大談「最安全被討厭作家」—— #郭沫若！點解話佢帶領挖掘明朝萬曆皇帝皇陵係考古界一大悲劇？佢首〈兩個太陽〉又係如何開啟近代「個人崇拜」嘅風氣？今晚11點！約定你一齊大談呢位爭議作家！

「遠看是條狗，到了眼前，原來是沫若先生」——今集在線等要同大家（安全地）講啲辛辣話題！點解提起中國現代作家 #郭沫若，#小樺 同 #卓然 表情就咁唔自然 ？郭沫若又係如何主動「引戰」，同魯迅、胡適等名家引起眾多恩怨情仇？今晚十一點！約定大家同卓然、小樺暢談「才子加流氓」——郭沫若！