የኢትዮጵያ ኦርቶዶክስ ተዋሕዶ ቤተ-ክርስቲያን የሃይማኖት አባቶችና ምዕመናን ጌታችን እየሱስ ክርስቶስ የተሰቀለበትን እለት በስግደትና በፆም በፀሎት አክብረዉት ዉለዋል። ርእሰ-ሊቃነ-ጳጳሳት ብፁዕ ወቅዱስ አቡነ ማቲያስና ምዕመናን በታደሙበት በመንበረ ፀባኦት ቅድስት ሥላሴ ቤተ ክርስቲያን ሃይማኖታዊ የምህላና የፀሎት ሥነ-ስርዓት ተከናውኗል።

የዲላ ዩኒቨርሲቲ በ 23 ሚሊዮን ብር ያስገነባውን የኦክስጅን ማምረቻ ተቋም የምርት ተግባር ማስጀመሩን አስታወቀ፡፡ ከትናንት ጀምሮ ወደ ሙከራ ምርት የገባው የኦክስጅን ማምረቻ ተቋም በቀን እስከ 350 ስሊንደር ኦክስጅን የማምረት አቅም እንዳለው የዩኒቨርሲቲው የስራ ሃላፊዎች ገልጸዋል።

የተባበሩት መንግስታት ሰሞኑን ኢትዮጵያን በተመለከተ ያወጣው መግለጫ ድርጅቱ ቀደም ሲል ይዞት የነበረውን አቋም ያጠፈ እና ሚዛናዊ ነው ሲል የውጭ ጉዳይ ሚኒስቴር ገለፀ። ጠቅላይ ዐቃቤ ሕግ እና ፌደራል ፖሊስ በትግራይ ክልል የደረሱ የሰብዓዊ መብት ጥሰቶች ላይ ምርመራ እያደረጉ ሲሆን አጥፊዎች ላይ ያለምንም ምሕረት ተጠያቂነት ይከተላልም ተብሏል።