የስሜን አትላንቲክ ጦር ቃል ኪዳን ድርጅት ኔቶ ዋና ጸሐፊ የንስ ስቶልትንበርግ ጃፓንና ደቡብ ኮሪያ፤ ለዩክሬን የሚስጡት እርዳታ ከሰብዓዊ እርዳታ ባሻገር የጦር መሳሪያዎችንም እንዲጨምር አሳሰቡ። ሚስተር ስቶልትንበርግ ይህን ያሳሰቡት ባለፉት ሁለት ቀናት በደቡብ ኮሪያና ዛሬ ደግሞ በጃፓን እያደረጉ ባለው ጉብኝት ነው።

በደቡብ ክልል በመጪው ሳምንት መጀመሪያ ለሚካሄደው ህዝበ ውሳኔ አሥፈላጊውን መሰናዶ በማጠናቀቅ ላይ እንደሚገኝ የኢትዮጲያ ብሄራዊ ምርጫ ቦርድ ገለፀ፡፡ በአሁኑወቅት በህዝበ ውሳኔው ድምፅ ለመስጠት የሚያገለግሉ የምርጫ ቁሳቁሶች ወደ የምርጫ ጣቢያዎች እየደረሱ ሲሆን ለምርጫ አስፈጻሚዎችም በድምፅ አሰጣት ዙሪያ ገለጻ እየተደረገ ይገኛል ተብሏል።፡

መንግስት የዜጎችን በሰላምና በህይወት የመኖር መብታቸውን እንዲያስከብር በውጭ የሚገኙ ኢትዮጵያዊውያንና ትውልደ ኢትዮጵያውያን ማህበራት ጥሪ አቀረቡ። ማህበራቱ ሰሞኑን በአጣዬና እና አካባቢው የተፈጸመውን ግጭት አስመልክቶ ይፋ ባደረጉት መግለጫ፤ መንግሥት የሚፈፀመዉን ጥቃት በማስቆም ተጠያቂነት የማስፈን ኃላፊነቱን እንዲወጣ ጠይቀዋል።

የምክር ቤቱ መግለጫ “ህዝበ ውሳኔው የዜጎችን የመምረጥ መብት የነፈገ ፣ የመንግሥት እና የገዢው ፓርቲ ተፅኖ የተንጸባረቀበት ነው “ ሲል ቅሬታውን አሰምቷል።የኢትዮጲያ ብሄራዊ ምርጫ ቦርድ ዋና ሰብሳቢ ህዝበ ውሳኔው የአካባቢው ህዝቦች መብቶቻቸውን እንዲለማመዱ እንደ ዜጋ ያላቸውን ሥልጣን እንዲያሳዩ ዕድል የሚሰጥ አንጂ የሚጻረር አይደለም ብለዋል።

በኢትዮጵያ ኦሮቶዶክስ ተዋህዶ ቤተክርስቲያን ለሃይማኖቷ እንቆረቆራለን ያሉ የእምነት አባቶች ለ26 ጳጳሳት ሹመት ቁጣን ቀሰቀሰ፡፡ የተወሰኑ የቤተክርስታኗ አባቶች ሰጥተዋል የተባለው ይህ ሃይማኖታዊ ሹመት ከኢትዮጵያ ኦርቶዶክስ ተዋህዶ ቤተክርስትያን ቅዱስ ሲኖዶስ እውቅና ውጪ ነው በሚል ተቀባይነት እንደሌለው ተገልጿል፤ ውዝግብም አስከትሏል።

ከ60 በላይ የኢትዮጵያ ሲቪል ማሕበራት እንዲሁም የሌሎች ተቋማት ተወካዮች ዛሬ በመቐለ ተገኝተው ከትግራይ ክልል ሲቪል ተቋማት አመራሮች ጋር ተወያዩ። የተቋማቱ የዛሬ የመቐለ ጉብኝት በጦርነቱ ምክንያት ለሁለት ዓመት ተቋርጦ የቆየ ማእከላቸው አዲስአበባ እና መቐለ ያደረጉ የሲቪል ተቋማት ግንኙነት ዳግም ያስጀመረ ተብሎለታል።