የኢትዮጵያ አየር መንገድ ከነገ ረቡዕ ታኅሣሥ 19 ጀምሮ ወደ መቀሌ የመንገደኞች የበረራ አገልግሎት እንደሚጀምር አስታወቀ። የሰሜን ኢትዮጵያ ጦርነት ከተቀሰቀሰበት ጊዜ ጀምሮ ተቋርጦ የቆየው የአውሮፕላን አገልግሎት የሚጀምረው የመቀሌ አውሮፕላን ማረፊያ ለበረራ አገልግሎት ዝግጁ መሆኑ ከታየ በኃላ መሆኑ ተገልጿል።

በውጭ የሚኖሩ የድሬደዋ ተወላጆችና ወዳጆች ማህበር ለከተማዋ ሆስፒታሎች ግልጋሎት የሚሰጥ በዓይነትቱ ትልቅ የተባለ የህክምና ቁሳቁስ ድጋፍ አድርጓል። ከሃያ ሚሊየን ብር በላይ ግምት አለው በተባለው በዚህ ድጋፍ ለድንገተኛ እና ለተሀድሶ ህክምና አገልግሎት የሚውሉ የተለያዩ ቁሳቁሶች መካተታቸው በድሬደዋ በተካሄደው የርክክብ ስነስርዓት ላይ ተገልጧል።