Dusomere hamwe: Efeso 2:10 'Kuko turi ibiremwa vy’Imana, yaturemye gusha muri Kristo Yesu kugira ngo dukore ibikorwa vyiza, ivyo yari yaraduteguriye gukora kuva kera.’’

Ibaze kuri : Terefone, Imashine, Ecouteur canke Iradiyo uriko urakoresha mu kwumviriza aya majwi, boba babikoze ngo tubigure gusa?Oya Sinibaza! Ariko kuba warabiguze, nuko hari ikibazo biriko biragukemurira. Nawe Imana Itakuremye mu buryo butangaje, iguha ubumenyi, impano, ubwenge, personalite.. ngo ubeho gusa, ariko yakuremye ngo uze ukore ibikorwa vyiza yaguteguriye kuva kera. 

Ndakubaze? Ni ikihe kintu uzi gukora canke kikuryohera gukora naho coba kimwe? Ni izihe mpano canke ubumenyi ufise? Wobikoresha gute mu gukemura ikibazo ababanyi bafise?

Isengesho: Data mw’Izina rya Yesu Kristo, warakoze kumpa ubu bumenyi, izi mpano, iyi personalite n'ubu bwenge. Ndagusavye ngo umpishurire ibikorwa vyiza wandemeye gukora. Ndagusavye umpe n’ inguvu zo kubikora. Amen

Support the show

Day 1: Icaremwe Gitangaje Cane😁

Dusomere hamwe: Zaburi 139:14 ' Ndagushimira yuko naremwe uburyo buteye ubgoba butangaje: Ibikorwa vyawe n’ibitangaza; Kand’ ivyo, umutima wanje urabizi neza. '

Wibaze iki kintu: Urya mu star ukunda mu muziki canke muri football, wibaza ko apfa kuja muri match canke kuririmba atabanje kuvyiyumvirako no kugira imyimenyerezo(Repetitions) ikwiye? Habe na mba! Aramara umwanya munini cane ariko arandika, ari mu ma repetitions, ivyo aza gukora vyose aravyiyumvirako bikwiye imbere yuko aja gukina canke aja kuririmba.

Uko niko Imana yakuremye. Ntiyakuremye ku gihamana(par accident). Yarafashe umwanya ukwiye, Iriyumvira ku tu details twose, hama irakurema mu rukundo rwayo. Ingene utwenga, ingene wiyumvira canke ingene utambuka, vyose birafise agaciro.

Irabe mu cirore(mu kiyo): wibwire n’ijwi ryiyoroheje canke ryumvikana uti: "NAREMWE MU BURYO BUTEYE UBWOBA KANDI BUTANGAJE!"

Isengesho: Mana yanje, ndagushima ko wandemye muri ubu buryo butangaje. Ndagusavye ngo umfashe kwama nibona nk’icaremwe gitangaje cane. Mw’ Izina rya Yesu Kristo, Amen

Support the show