Imana itanga ivyizigiro ibuzuze umunezero wose n’amahoro biva ku kwizera, kugira ngo murushirize kwizigira ibizoba, mubihawe n’ubushobozi bga Mpwemu Yera. 

@ZeKrtvBible

Support the show

9.Iki ni co caseruye urukundo rw’Imana muri twebge, n’ukw Imana yarungitse Umwana wayo w’ikinege mw isi, kugira ngo duheshwe ubugingo na we. 10. Iki ni co kirimw’ urukundo, s’uko twebge twakunze Imana, ariko n’ukw ari yo yadukunze, igatuma Umwana wayo kuba impongano y’ivyaha vyacu.

@ZeKrtvBible

Support the show

Ereg’ Imana s’umuntu ngw ibeshe, Kandi s’umwana w’umuntu ngo yisubiremwo! Ivyo yavuze, mbega ntizobikora? Ivyo yashinze ntizobishitsa?


@ZeKrtvBible

Support the show

 Uhoraho ni we mwungere wanje, sinzokena.

 @ZeKrtvBible

Support the show

Umugani w’ababikijwe italanto

14. Bizoba nk’ivy’ umuntu agira agende mu mahanga, ahamagara abantu biwe, abasigarana ivyo atunze.  15. Umwe amuha italanto zitanu, uwundi zibiri, uwundi imwe, uk’ umuntu wese ashobora, aja mu mahanga. 16. Uwo mwanya uwahawe italanto zitanu aragenda arazicurūza, yungukamw’ izindi talanto zitanu. 17. N’uwa zibiri abigenza artyo, yungukamw’ izindi zibiri. 18. Arik’ uwahawe imwe arīgīra, yimba mu kuzimu, ahisha amahera ya shebuja. 19. Hashize igihe kirekire, shebuja w’abo bantu aragaruka, asuzuma ivyo yabasigaranye. 20. Uwari yahawe italanto zitanu araza, azana italanto zindi zitanu, ati Mugenzi, wari wansigaranye italanto zitanu, ehe nungutsemw’ izindi talanto zitanu. 21. Shebuja aramubgira, ati Wagize neza, muntu wanje mwiza wo kwizigirwa, wizigiwe kuri bike, nzoguha kugaba vyinshi. Injira mu munezero wa shobuja. 22. Haza uwari yahawe italanto zibiri, ati Mugenzi, wari wansigaranye italanto zibiri, ehe nungutsemw’ izindi talanto zibiri. 23. Shebuja aramubgira, ati Wagize neza, muntu wanje mwiza wo kwizigirwa, wizigiwe kuri bike, nzoguha kugaba vyinshi. Injira mu munezero wa shobuja. 24.Kandi haza uwahawe italanto imwe, ati Mugenzi, nari nkuzi k’ur’ umuntu w’ingāre, wimbura ivyo utārimye, ukumakuma ivyo utāsanzaje; 25. ndatinya, ndagenda mpisha italanto yawe mu kuzimu: ehe ngibi ivyawe. 26. Shebuja aramwishura, ati Wa muntu wanje mubi we, wa kinebge we, war’ uzi ko nimbura ivyo ntārimye, nkumakuma ivyo ntāsanzaje. 27. Nuko war’ ukwiye kujana amahera yanje mu bayacurūza, nanje nagaruka nkaronka ayanje n’inyungu yayo. 28. Nuko ni mumwake italanto, muyihe ūfise italanto cumi. 29. Kuk’ ūfise wese azohabga, asesekarizwe: arik’ ūdafise azokwakwa n’ico yar’ afise. 30. N’uyo muntu wanje w’imburakimazi ni mumute hanze mu mwiza, ni ho hazoba amarira no kuryanya insya z’amenyo.

@ZeKrtvBible

Support the show

Dusome : 'Kuko nzi ivyiyumviro mbiyumvirako, ni jewe Uhoraho mbivuze, kw ar’ ivyiyumviro vy’amahoro, atar’ ivy’ ivyago, kugira ngo mbahe ivyizigiro vyo mw iherezo ryanyu. ' Yeremiya 29:11

Hari aho uca mu bihe bigoye kugeza aho wumva umengo shaa, ntaco nzovamwo nukuri! Ariko Imana ntiyihenda, igufitiye imigambi myiza cane. Bikubanye vyinshi ukumva worira, urire, ariko ntiwemere satani akwibagize uku kuri: kazoza keza karakurindiriye kuko kari mu biganza vy’Iyisumba vyose kandi Ihoraho.

Reka wandike hafi rino jambo mu ndome nkuru uti :IMANA YANJE NTIYIHENDA! KANDI IMFITIYE IMIGAMBI MYIZA CANE. Aya niyo majambo ukwiye kwama wiyibutsa buri musi.

Dusenge: Data mw’izina rya Yesu Kristo, ndagushimiye kubw imigambi myiza umfitiye. Reka umpe kugendera muri uku kuri. Amen

Support the show

Dusome: 'Uko ni ko mukwiye kureka umuco wanyu ukakira imbere y’abantu kugira ngo babone ibikorwa vyanyu vyiza, hanyuma bahimbaze So wo mw’ijuru. ' Matayo 5:16

Ntiwaremewe kunyegera! Uri mu muryango urimwo, aho usengera, mu bagenzi, mu kazi, kugira ubabere umuco. Iyo uriko urakoresha impano zawe, bwa bwenge, bwa bumenyi, uba uriko urabaho ico waremewe. Kuba Wamuco kubw’Icubahiro c’Imana.

Uyu musi uze kugerageza uronke ingene ubera abandi umuco mu nyifato, mu kubabwira amajambo meza, mu gukora ibikorwa vyiza, mu kubasengera...

Dusenge: Mwami Yesu, unkundishe kuba umuco kubw’icubahiro cawe. Amen!

Support the show

Dusomere hamwe: 2 Ab’i Korinto 5:17 'Nuko rer’ umuntu wese iy’ ari muri Kristo, aba ar’ icaremwe gisha: ivya kera biba bihise, vyose biba bicitse bisha.'

Twese turisanga dufise ibihe canke ama kosa twipfuza gufuta mu buzima bwacu.Rimwe na rimwe twisanga twatanguye kuza turiyita kahise. Gusa nyene menya ko Imana itakubabarira nk’uko wobabarirwa n’umuntu. Iyo uyisavye imbabazi, ntiziguha gusa, ahubwo iranafuta ivyo wakoze. Nturi ivyo wakoze muri kahise, Uri Icaremwe gisha, uwahariwe n’Imana, uwidegemvya wawundi Imana Ikunda cane.

Har’ivyo wakoze canke wakorewe muri kahise bikikuremera? Shira hasi, bihe Imana ivyikorere, ibifute wibere mu buntu bwayo bwinshi.

Dusenge: Mwami Yesu, ndagusavye umfashe wikorere kahise kanje kugira nshobore kubaho gushasha nk’icaremwe gisha cawe. Amen

Support the show

Dusomere hamwe:'Umwe wese yari akwiye kwisuzuma mu bikorwa vyiwe, kugira ngo asanze yakoze neza bimushimishe, ariko ntabanze kwigereranya n’abandi.' Ab’I Galatiya 6:4 

Ndakuravye mu maso: Uriko urigereranya n’abo ubona kuma reseau sociaux, ndabeshe?Uwo ni umutego bireke, kuko uko wigereranya n’abandi niko uguma wibona ko bakuruta ukibagira ubunini bwawe. Ivyo ni nko kubwira Imana ngo: Mana wewe warihenze kwl, iyo undema nka naka. Oyaa Ntiyihenze! Uko usa, ibikugize, igituma ureha uko ureha, igituma wavukiye aho wavukiye, Vyose biri mu mugambi mwiza wayo ku buzima bwawe.

Ukumva ugira usubire kugwa muri uwo mutego, ca ubanza ugire pause hama wibwire uti: Ndisa kandi birakwiye!

Dusenge: Mana, mfasha kudasubira kugwa muri uwu mutego wo kwigereranya n’abandi, nyigisha kunezerererwa ubu buryo bwiza wandemyemwo. Mw’izina rya Yesu Kristo, Amen!

Support the show

Dusomere hamwe: 1 Petero 4:10 'Umwe wese akoresha ingabire yose yahawe n’Imana ku nyungu z’abandi. Muzikoreshe nk’abizigirwa b’Imana bagabura ubuntu bw’Imana bw’uburyo bwinshi. '

Nk’ubu: Ushobora gusanga uzi gutwenza abantu bose, uzi kwitwararika abandi, uri creative cane, uzi kwumviriza abandi, uri wamuntu yama afise ivyo avuga,.. Ivyo ntubishoboye kubw ubusa, Imana yabigushizemwo kubw’Impamvu kanaka, kugirango ubere umugisha abandi canke kuzana impinduka. Ntukazimye itara ryawe canke ngo unyegeze izo mpano. Isi irafise ibibazo ari wewe wenyene ubifitiye inyishu. 

Uwu niwo mwanya wawe: domeka itara, genda umurikire abakeneye umuco. Genda wumvirize umugenzi, mutwenze, mwitwararike,..

Dusenge: Data ndagushimiye ku mpano wampaye, mfasha kuzimenya no kuzikoresha mu gufasha abandi kubw’icubahiro cawe. Mw’Izina rya Yesu Kristo, Amen.

Support the show