Жаншипа

"Бастаңғыда" Тоқаев жариялаған "саяси реформалардан" кейін қандай өзгеріс болуы мүмкін екенін талқылап көрдік. Қонақтарымыз - белсенді Тоғжан Қожалиева және саясаттанушы Арман Әмір. Тоқаевтың жолдауынан кейін парламент тарай ма, президент сайлауы бола ма, билік суперпрезиденттік модельді өзгерткісі келе ме және Назарбаев дәуірі осымен аяқталды ма деген сұрақтарға жауап іздеп көрдік.

Бұл жолы "Бастаңғыда" суицид тақырыбын қозғадық. Қонақтарымыз психолог Назыгүл Әбілахатқызы мен құқық қорғаушы Мөлдір Албанмен бірге суицидтің негізгі себептеріне үңіліп көрдік. Өзіне қол жұмсайтындар неге көп, жасөспірімдер неліктен суицидке барады, отбасыдағы тәрбие арқылы суицид проблемасын шешуге бола ма деген сұрақтарға да жауап іздедік.

"Бастаңғыда" TikTok деген не, онда неге бейпіл контент көп, қазақша TikTok бар ма өзі деген сұрақтарға жауап іздеп көрдік. Сондай-ақ TikTok видеолары жас балаларға зиян ба, тиктокерлер саяси тақырыптарды көтере ме деген мәселелерді талқыладық. Қонақтар - тиктокер Елдос Айтуғанов, медиа маманы Мөлдір Өтегенова.

"Бастаңғыда" қазақтың тойы жайлы әңгіме айттық. Пандемия тойды өзгерте алды ма, қазіргі той ысырапшыл ма, неге бейәдеп ойындар ұйымдастыратын асабалар көбейіп кетті, қазақтың тойы брендке айнала алды ма деген сұрақтарға жауап іздедік. Бұл сұрақтарды қонақтарымыз - тойды зерттеп жүрген антрополог ғалым Динара Әбділдә және асаба Болатбек Оразбаевпен бірге талқыладық.

"Бастаңғының" бұл жолғы тақырыбы - жемқорлық. Халықтың жемқорлыққа еті үйреніп кеткен бе, қалай Назарбаев және оның отбасы Қазақстанның ең бай адамдарына айналды, жемқорлыққа кедергі келтіретін қандай заңдар бар деген сұрақтарға жауап іздедік. Қонақтарымыз - зерттеуші Ғалымжан Оразымбет және журналист Мият Кәшібай.

"Бастаңғыда" шетелге көшу тренд пе, әлде жай медиа шу ма деген тақырыпта әңгімелестік. Қонақтарымыз Нидерланд елінде тұратын урбанист Тина Байнақова мен Қазақстанда тұратын дизайнер Ілияс Жолдасбаймен бірге шетелге көшудің қыр-сырын талқыладық. Шетелге көшу оңай ма, шетелге кетіп жатқан қандай мамандар, Еуропа құшақ жая қарсы ала ма, әлде ол жақта да көшіп келгендерге қырын қарайтындар көп пе, Қазақстаннан қара жұмыс іздеп көшетіндер көбейде ме деген сұрақтарға жауап іздеп көрдік.

"Бастаңғыда "Алматыдағы қантөгіске ұласқан "Қаңтар көтерілісі" не себепті болды, билік одан сабақ алды ма, террористер болды ма, жоқ па, өзгеріс болады деп үміт артуға бола ма деген сұрақтарға жауап іздеп көрдік. Студия қонақтары - Нұрбек Матжани мен Бэлла Орынбетова.

"Бастаңғы" подкастының алғашқы шығарылымында жастардың эмиграциялық көңіл күйі жайлы, көзқарастары мен құндылықтары туралы, саясатқа неге араласқысы келмейтіні және даулы феминизм / ЛГБТ тақырыбы туралы талқылау болды. Подкасттың қонақтары - жас журналист Дастан Аққожа және болашақ мұғалім, студент Жанболат Сәбитов.

Алматыда 5 жылдан бері «Мейірім дүкені» жұмыс істейді. Мұнда кез келген адам киім-кешек пен өзгеде бұйымдарды тегін ала алады.

Атыраудағы Халел Досмұхамедов атындағы мұнай және газ университеті ректорының «Қытайдағы қазақ диаспорсының өкілдеріне жеңілдік жасаймыз» деген шақыртуымен келген студенттер «алданып» қалғандарын және отбасыларымен бірге қаржылай қиындыққа тап болғандарын айтады. Гүлман Гүміштің пікірі.